அம்மன் நெக்லஸ்.. கடவுளை அவமதித்தாரா டாப்ஸி? - வலுக்கும் எதிர்ப்பு.. நடந்தது என்ன?

2011 ஆம் ஆண்டு இயக்குநர் வெற்றிமாறன் இயக்கத்தில் தனுஷ் நடிப்பில் வெளியான ஆடுகளம் படம் மூலம் தமிழில் அறிமுகமானார் நடிகை டாப்சி பன்னு.

இந்தப் படத்தின் மூலம் தமிழ் ரசிகர்களின் மனதில் நீங்காத இடம் பிடித்தார் டாப்ஸி. இதனை தொடர்ந்து காஞ்சனா 2, கேம் ஓவர் என பல தமிழ் படங்களிலும் டாப்ஸி நடித்துள்ளார்.

மேலும், இவர் தமிழ் மொழியில் மட்டும் இல்லாமல் தெலுங்கு, மலையாளம் என பிற மொழி படங்களிலும் நடித்து இருக்கிறார்.

பின் இவருக்கு தமிழில் பட வாய்ப்புகள் குறையத் தொடங்கிய உடன் பாலிவுட் படங்களில் தற்போது அதிக கவனம் செலுத்தி வருகிறார்.

பாலிவுட்டில் முன்னணி நடிகையாக வலம் வரும் இவர் நடித்த, ’பிங்க்’, ’நாம் ஷபானா’ ரசிகர்களிடையே பெரும் வரவேற்பை பெற்றது. இதையடுத்து இவர் பல இந்தி படங்களில் நடித்து இருக்கிறார்.

இதனை தொடர்ந்து சமீப காலமாகவே நடிகை டாப்ஸி அவர்கள் நடிகைக்கு முக்கியத்துவம் கொடுக்கும் கதையை தேர்ந்தெடுத்து நடித்து வருகிறார்.

நடிகை டாப்ஸி, இப்போது இந்தி படங்களில் அதிக கவனம் செலுத்தி வருகிறார்.

இவர், சமீபத்தில் நடை பெற்ற ஃபேஷன் நிகழ்ச்சி ஒன்றில் அணிந்த ஆடையும், நகையும் சர்ச்சையை ஏற்படுத்தி இருக்கிறது.

அப்போது அவர் கவர்ச்சியான ஆடை அணிந்து கழுத்தில் மகாலட்சுமி அம்மன் உருவத்துடன் கூடிய நெக்லஸ் ஒன்றை அணிந்திருந்தார். இது சர்ச்சையை ஏற்படுத்தியுள்ளது.

கடவுள் உருவம் பொறித்த நெக்லசை இப்படி கவர்ச்சியான ஆடையுடன் அவர் எப்படி அணியலாம் என சமூக வலைதளங்களில் பலர் கடுமையாக விமர்சித்துள்ளனர். பலர் தங்கள் கண்டனங்களைத் தெரிவித்துள்ளனர்.