டயட்டீஷியனுக்கு லட்ச கணக்கில் செலவு செய்கிறேன்.. அப்பாவுக்கு தெரிஞ்சா திட்டுவாரு - நடிகை டாப்ஸி

டயட்டீஷியனுக்கு மாதம் 1 லட்சம் செலவு செய்வதாகவும், அப்பாவுக்கு தெரிந்தால் அவர் திட்டுவார் எனவும் தெரிவித்துள்ளார் நடிகை டாப்ஸி.

தன் தந்தை மிகவும் கஞ்சத்தனமானவர் என்று சமீபத்திய நேர்க்காணலில் குறிப்பிட்ட டாப்ஸி, வாழ்நாள் முழுவதும் பணம் சேமித்த பிறகும், அவர் தனக்காக செலவு செய்வதில்லை என்றார்.

தனக்கும் தன்னுடைய சகோதரி ஷாகுனுக்கும் பிரம்மாண்ட திருமணத்தை நடத்துவது பற்றி அவர் கவலைப்படத் தேவையில்லை, ஏனென்றால் தங்களால் அதைச் செய்ய முடியும் என்றும் டாப்ஸி.

ஆனால், தனது அப்பாவுக்காக தான் செலவழிக்கும்போது அவர் இன்னும் கோபப்படுகிறார் என்றார்.

தான் டயட்டீஷியனுக்கு மாதம் 1 லட்சம் செலவு செய்வதாகவும், இது தெரிந்தால் தனது அப்பா திட்டுவார் என்றும் குறிப்பிட்ட டாப்ஸி, தன்னுடைய வேலைக்கு இது எத்தனை முக்கியத்துவம் என்றும் விளக்கினார்.

நான் என்ன படம் செய்கிறேன், என் வாழ்க்கையில் எங்கே இருக்கிறேன் என்பதைப் பொறுத்து எனது உணவுமுறை தொடர்ந்து மாறுகிறது. ஒவ்வொரு நான்கு அல்லது ஐந்து வருடங்களுக்குப் பிறகு, உடலில் மாற்றங்கள் நிகழும்.

நடிப்புத் தொழிலில், நம்மில் பெரும்பாலோருக்கு ஒரு நிபுணரின் ஆலோசனை தேவைப்படுகிறது. எந்த நகரம் அல்லது எந்த நாட்டில் இருக்கிறோம் என்பதைப் பொறுத்து, நமக்கு என்ன உணவு சிறந்தது என்பதைச் சொல்ல ஒரு நிபுணர் தேவைப்படுகிறார், என்றும் இதுபற்றி மேலும் கூறினார் டாப்ஸி.