சூர்யா-வெற்றிமாறனின் வாடிவாசல் ஷூட்டிங் ஸ்பாட் புகைப்படங்கள்!

வெற்றிமாறன், சூர்யா இணையும் வாடிவாசல் படத்தின் டெஸ்ட் ஷூட் தொடங்கியுள்ளது. புறநகரில் இந்த பரிசோதனை படப்பிடிப்பு நடந்து வருகிறது.

வாடிவாசல் சி.சு.செல்லப்பா எழுதிய நாவல். இதனை மையப்படுத்தி தனது அடுத்தப் படத்தை வெற்றிமாறன் இயக்குகிறார்.

நாவலின் வாடிவாசல் என்ற பெயரையே திரைப்படத்திற்கும் வைத்துள்ளார்.

வெற்றிமாறன் இதற்கு முன் லாக்கப் நாவலை விசாரணை என்ற பெயரில் எடுத்திருந்தார். அவரது அசுரன் திரைப்படம் பூமணி எழுதிய வெக்கை நாவலை தழுவி எடுக்கப்பட்டது.

வெற்றிமாறன் இயக்கி இருக்கும் விடுதலை விரைவில் திரைக்கு வர இருக்கிறது. சூரி முதன்மை கதாபாத்திரத்தில் நடித்திருக்கும் இந்தப் படத்தில் விஜய்சேதுபதியும் நடித்துள்ளார்.

விசாரணை, அசுரன் படங்களை போல விடுதலையும் ஜெயமோகனின் கதையை (நாவல்) தழுவி எடுக்கப்பட்டுள்ளது.

இந்தப் படத்தின் போஸ்ட் புரொடக்ஷன் பணிகள் நடந்து வருகின்றன.

விடுதலை படத்திற்கு பிறகு சூர்யா நடிப்பில் வாடிவாசல் படத்தை இயக்குவதாக வெற்றிமாறன் ஏற்கனவே அறிவித்திருந்தார். தாணு படத்தை தயாரிக்கிறார். ஜிவி பிரகாஷ் இசையமைக்கிறார்.

எதற்கும் துணிந்தவன் படத்திற்கு பிறகு சூர்யா பாலா படத்தில் நடிப்பார் என கூறப்பட்ட நிலையில் வாடிவாசல் படத்தின் டெஸ்ட் ஷூட் சென்னை புறநகரில் தொடங்கியுள்ளது.

இதில் வெற்றிமாறன், தாணு, சூர்யா மற்றும் படக்குழுவினர் கலந்து கொண்டனர். வாடிவாசலில் மற்ற மாடுபிடி வீரர்களுடன் சூர்யா மாடு பிடிப்பது போன்ற காட்சியை இங்கு படமாக்கியுள்ளனர்.

வெற்றிமாறன், சூர்யா முதல்முறையாக இணையும் படம் என்பதாலும், வாடிவாசல் ஜல்லிக்கட்டை மையப்படுத்திய கதை என்பதாலும் இந்தப் படத்திற்கு மிகுந்த எதிர்பார்ப்பு நிலவுகிறது. வாடிவாசலில் நடிக்கும் பிற நட்சத்திரங்கள், தொழில்நுட்ப கலைஞர்கள் குறித்த விவரங்களை விரைவில் வெளியிட உள்ளனர்.