ஹிந்தியிலும் வெல்வார்களா சூர்யா - ஜோதிகா ஜோடி ? சுவாரசிய தகவல்!

சூர்யா தற்போது சிவா இயக்கத்தில் அவரது 42வது படத்தில் நடித்து வருகிறார். ஸ்டுடியோ கிரீன் சார்பாக பிரம்மாண்டமாக தயாராகி வரும் இந்தப் படத்துக்கு தேவி ஸ்ரீ பிரசாத் இசையமைக்கிறார். பாலிவுட் நடிகை தீஷா பதானி இந்தப் படத்தில் சூர்யாவுக்கு ஜோடியாக நடிக்கிறார்.

இந்த நிலையில் நடிகர் சூர்யா தனது மனைவி ஜோதிகா, மகள் தியா, மகன் தேவ் ஆகியோருடன் மும்பையில் இருப்பதாக கூறப்படுகிறது. மும்பையில் சூர்யாவின் புகைப்படங்கள் சமூக வலைதளங்களில் வைரலானது.

அப்போது தனது குழந்தைகளை புகைப்படம் எடுக்க வேண்டாம் என பத்திரிகையாளர்களிடம் கோரிக்கைவிடுத்தது இணையத்தில் வைரலாக பரவியது.

நடிகர் சூர்யா சூரரைப் போற்று ஹிந்தி ரீமேக்கில் சிறப்பு வேடத்தில் நடிக்கிறார். சுதா கொங்கரா இயக்கியுள்ள இந்தப் படத்தில் தமிழில் சூர்யா ஏற்ற வேடத்தில் அக்ஷய் குமார் நடிப்பது குறிப்பிடத்தக்கது. 

நடிகை ஜோதிகா 25 ஆண்டுகளுக்கு பிறகு ஸ்ரீ எனும் ஹிந்தி படத்தில் நடித்திருக்கிறார்.

தமிழைப் போலவே ஹிந்தியிலும் கணவன் - மனைவி இருவரும் பெரும் தாக்கத்தை ஏற்படுத்துவார்கள் என்று எதிர்பார்க்கப்படுகிறது.