''என் வருவாயில் 10 சதவிகிதம் துருக்கி, சிரியா மக்களுக்கு'' - சன்னி லியோன் அதிரடி - ரசிகர்கள் நெகிழ்ச்சி

தமிழில் சன்னி லியோன் நடிப்பில் கடந்த வருடம் ஓ மை கோஸ்ட் என்ற படம் வெளியாகியிருந்தது.

துருக்கி, சிரியாவில் ஏற்பட்ட நிலநடுக்கத்தால் பாதிக்கப்பட்டவர்களுக்கு சர்வதேச நாடுகளும் தன்னார்வலர்களும் உதவி வருகின்றனர்.

அந்த வகையில் நடிகை சன்னி லியோனும் அவரது கணவரும் உதவ முன்வந்துள்ளனர்.

இதுதொடர்பாக சன்னி லியோன் வெளியிட்டுள்ள பதிவில், துருக்கி மற்றும் சிரியாவில் ஏற்பட்ட நிலநடுக்கத்தால் பாதிக்கப்பட்ட மக்களுக்கு நிவாரணம் மற்றும் மீட்பு நடவடிக்கைக்காக எங்களது நிறுவனத்தின் பிப்ரவரி மாத வருவாயில் 10 சதவிகிதத்தை வழங்க முடிவு செய்துள்ளோம்.

இந்த கடினமான நேரத்தில் ஒவ்வொருவரும் பாதிக்கப்பட்ட மக்களுக்கு உதவுவது முக்கியம்.

இதனால் பாதிக்கப்பட்ட மக்களுக்கு மறுவாழ்வு கிடைக்க பயனுள்ளதாக இருக்கும் என்று தெரிவித்துள்ளார்.

சன்னி லியோனின் அறிவிப்பு ரசிகர்களிடேயே நெகிழ்ச்சியை ஏற்படுத்தியுள்ளது.