முதல் கார் வாங்கிய சுதா கொங்கரா... மணிரத்னம், சூர்யா, ஜி.வி-யுடன் ஜாலி ரைடு!

தான் முதன் முதலில் வாங்கியுள்ள புதிய ஆடி காரில் தனக்கு நெருக்கமானவர்களுடன் மகிழ்ச்சியாக ரைடு சென்றுள்ளார் இயக்குநர் சுதா கொங்கரா.

துரோகி, இறுதிச்சுற்று, சூரரைப்போற்று ஆகியப் படங்களின் மூலம் பிரபலமானவர் இயக்குநர் சுதா கொங்கரா.

இவர் சூர்யாவை வைத்து இயக்கிய சூரரைப்போற்று திரைப்படம் தேசிய விருது பெற்றது.

தற்போது 'சூரரைப் போற்று' படத்தின் இந்தி ரீமேக்கை இயக்குகிறார். இதில் சூர்யா கதாபாத்திரத்தில் அக்‌ஷய் குமார் நடிக்கிறார்.

இந்நிலையில் தற்போது தனது முதல் காரை வாங்கியுள்ளார் சுதா கொங்கரா.

எலெக்ட்ரிக் ஆடி காரான இதில், இயக்குநர் மணிரத்னம், இசையமைப்பாளர் ஜி.வி.பிரகாஷ், நடிகர் சூர்யா மற்றும் தயாரிப்பாளர் ராஜசேகர பாண்டியன் ஆகியோருடன் ரைடு சென்று தனது மகிழ்ச்சியை அவர்களுடன் பகிர்ந்துள்ளார் சுதா.

அந்தப் படங்களை அவர் தனது ட்விட்டரில் பதொவிட்டுள்ளார். அதற்கு வாழ்த்துகள் குவிந்து வருகின்றன.