பாகுபலி, கேஜிஎஃப் 2 படத்தின் சாதனையை முறியடித்த ஷாருக்கானின் பதான்.. வசூல் எவ்வளவு தெரியுமா?

ஷாருக்கானின் பதான் திரைப்படம் 3 நாட்களில் 160 கோடி ரூபாய் வசூலித்து பாக்ஸ் ஆபிஸ் வசூலில் பாகுபலி 2 மற்றும் கேஜிஎப் 2 திரைப்படங்களை பின்னுக்கு தள்ளியுள்ளது.

சித்தார்த் ஆனந்த் இயக்கத்தில் ஷாருக்கான் நடித்துள்ள ‘பதான்’ திரைப்படத்தை ஆதித்யா சோப்ரா தயாரித்துள்ளார்.

யாஷ் ராஜ் தயாரிப்பு நிறுவனத்தின் 50-வது படமாக இந்தப் படம் உருவாகியிருக்கிறது. படத்தின் ட்ரெய்லரின் தமிழ் பதிப்பை நடிகர் விஜய் வெளியிட்டிருந்தார்.

இப்படத்தில் ஷாருக்கானுடன் தீபிகா படுகோன், ஜான் ஆப்ரகாம், டிம்பிள் கபாடியா உள்ளிட்டோர் முக்கிய கதாபாத்திரங்களில் நடித்துள்ளனர்.

பதான் திரைப்படம் கடும் எதிர்ப்புகளுக்கு இடையே உலகம் முழுவதும் கடந்த ஜனவரி 25ஆம் தேதி வெளியானது.

ஹிந்தியில் மட்டுமல்லாமல் தமிழ் மற்றும் தெலுங்கு மொழியிலும் இப்படம் மொழிமாற்றம் செய்யப்பட்டு வெளியாகியிருந்தது.

4 ஆண்டுகளுக்கு பிறகு ஷாருக்கானின் படம் வெளியாகியுள்ள நிலையில், பதான் திரைப்படத்தை அவரது ரசிகர்கள் கொண்டாடி வருகின்றனர்.

அதன் எதிரொலியாக வெளியாகி 3 நாட்களில் பாக்ஸ் ஆபிசில் 160 கோடி ரூபாய் வசூலித்து பதான் திரைப்படம் சாதனை படைத்துள்ளது.