சினிமாவில் 19 வருடத்தை நிறைவு செய்த த்ரிஷா-வைரல் புகைப்படம்

நடிகை த்ரிஷா சினிமாவில் முன்னணி நடிகையாக வலம் வருகிறார். தமிழில் மௌனம் பேசியதே படம் மூலம் சினிமாவில் அறிமுகமானவர் த்ரிஷா, தொடர்ந்து லேசா லேசா, கில்லி என பல படங்களில் நடித்தார்.

விஜயுடன் இணைந்து நடித்த கில்லி திரைப்படம் த்ரிஷாவின் சினிமா பயணத்தின் திருப்புமுனையாக அமைந்தது என்று கூறலாம்.கில்லி படத்திற்கு பிறகு விஜயுடன் மீண்டும் இணைந்து ஆதி, குருவி ஆகிய படங்களில் நடித்தார்.

2018 ஆம் ஆண்டு வெளியான விஜய் சேதுபதி, த்ரிஷா நடிப்பில் வெளியான ‘96’ திரைப்படம் மிகப்பெரிய வெற்றிப்பெற்றது . இந்த படத்திற்காக சிறந்த நடிகைக்கான பல விருதுகளை த்ரிஷா பெற்றார்.

தற்போது மணிரத்னம் இயக்கத்தில் பிரம்மாண்டமாக உருவாகியிருக்கும் பொன்னியில் செல்வன் படத்தில் முக்கிய கதாபாத்திரத்தில் த்ரிஷா நடித்துள்ளார்.தெலுங்கில் ‘ப்ரிந்தா’ என்ற வெப் சீரிஸிலும் நடித்து வருகிறார்.

இந்நிலையில் த்ரிஷா திரையுலகிற்கு வந்து 19 ஆண்டுகள் நிறைவடைந்துள்ள நிலையில், படப்பிடிப்பின் போது படக்குழுவினர் த்ரிஷாவிற்கு சர்பிரைஸாக கேக் வெட்டியுள்ளனர். இந்த கேக்கில் த்ரிஷா நடித்த அனைத்து படங்களின் படங்களின் பெயரும் இடம் பெற்றுள்ளன. இந்த புகைப்படம் தற்போது சமூக வலைதளங்களில் வைரலாகி வருகிறது.