'தளபதி 68' படத்தில் மீண்டும் விஜய்க்கு வில்லனாகும் எஸ்.ஜே.சூர்யா?

லியோ படத்துக்கு பிறகு வெங்கட் பிரபு இயக்கத்தில் தளபதி 68 படத்தில் நடிக்கவிருக்கிறார்.

ஏஜிஎஸ் எண்டர்டெயின்மென்ட்டின் 25வது படமாக இந்தப் படம் உருவாகவிருக்கிறது.

இந்தப் படத்துக்கு யுவன் ஷங்கர் ராஜா இசையமைக்கவிருக்கிறார்.

யுவன் - விஜய் கூட்டணியில் கடந்த 2003 ஆம் ஆண்டு புதிய கீதை வெளியாகியிருந்தது. கிட்டத்தட்ட 20 ஆண்டுகளுக்கு பிறகு விஜய் - யுவன் இணைகின்றனர்.

இந்த நிலையில் இந்தப் படத்தில் எஸ்.ஜே.சூர்யா வில்லனாக நடிக்கவிருப்பதாக தகவல் பரவிவருகிறது.

வெங்கட் பிரபுவின் மாநாடு படத்தில் தனுஷ்கோடி என்ற கேரக்டரில் கலக்கியிருந்தார் எஸ்.ஜே.சூர்யா. அந்த கேரக்டரை எஸ்.ஜே.சூர்யா கையாண்டவிதம் தான் படத்தின் வெற்றிக்கு பெரும் காரணமாக அமைந்தது.

மேலும் விஜய்யின் குஷி படத்தை இயக்கியிருந்த எஸ்.ஜே.சூர்யா, நீண்ட இடைவேளைக்கு பிறகு மெர்சல் படத்தில் விஜய்க்கு வில்லனாக நடித்திருந்தார். மேலும் வாரிசு படத்தில் சிறப்பு தோற்றத்தில் எஸ்.ஜே.சூர்யா நடித்திருந்தார் என்பது குறிப்பிடத்தக்கது.