'வாரிசு வந்தாச்சு....' மகிழ்ச்சியுடன் அறிவித்த பாடகர் அஜய் கிருஷ்ணா - குவியும் வாழ்த்து

விஜய் டிவியின் சூப்பர் சிங்கர் நிகழ்ச்சியின் மூலம் பிரபலமானவர் பாடகர் அஜய் கிருஷ்ணா.

இவர் பிரபல பாடகர் உதித் நாராயணன் குரலில் பாடல்கள் பாடி ரசிகர்களைப் பெரிதும் கவர்ந்தார்.

ஏழ்மையான குடும்ப பின்னணியில் வளர்ந்த அஜய் கிருஷ்ணா இன்று திரைப்படங்களில் பாடிவருகிறார்.

பாடகர் அஜய் கிருஷ்ணா, ஜெஸி என்பவரை காதல் திருமணம் செய்திருந்தார்.

மனைவியுடன் எடுத்துக்கொண்ட படங்களை அஜய் கிருஷ்ணா இன்ஸ்டாகிராமில் பதிவிட அவை ரசிகர்களிடையே நல்ல வரவேற்பை பெற்றன.

இந்த நிலையில் அஜய் கிருஷ்ணா - ஜெஸி தம்பதிக்கு கடந்த 12 ஆம் தேதி ஆண் குழந்தை பிறந்துள்ளது. இதனை அஜய் கிருஷ்ணா தனது இன்ஸ்டாகிராமில் பகிர, அவருக்கு வாழ்த்துகள் குவிந்துவருகின்றன.