சிம்பு பிறந்தநாள்.. "வந்தான் ஜெயிச்சான் ரிப்பீட்டு" லிட்டில் ஸ்டார் முதல் எஸ்.டி.ஆர். வரை..!

லிட்டில் சூப்பர் ஸ்டார், யங் சூப்பர் ஸ்டார், ஆத்மன் எஸ்டிஆர் என ரசிகர்களால் அன்போடு அழைக்கப்படும் நடிகர் சிலம்பரசனின் பிறந்தநாள் இன்று.

தனது தந்தை டி.ராஜேந்தர் மூலம் கைக்குழந்தையாக சினிமாவில் அறிமுகப்படுத்தப்பட்ட சிலம்பரசனின் ரத்தத்திலும் மூச்சிலும் சினிமா கலந்துள்ளது என்று சொன்னால் அது மிகையாகாது. நான்கு வயதில் "என் தங்கை கல்யாணி" படம் மூலம் சிறந்த குழந்தை நட்சத்திரமாக அறியப்பட்ட சிலம்பரசன் பதினெட்டு வயதில் "காதல் அழிவதில்லை" படம் மூலம் நாயகனாக பதவி உயர்வு பெற்றார்.

அதற்கு முன்பு மோனிஷா என் மோனலிசா, சொன்னால் தான் காதலா போன்ற படங்களில் விடலைப் பையனாக பாடல்களில் நடனமாடினாலும், தம், குத்து போன்ற படங்கள், சிம்புவை ஓர் ஆக்சன் கலந்த காதல் நாயகனாக முன்னிலைப்படுத்தின

"கோவில்" படத்தில் விரல் வித்தைகள், அதீத வசனங்கள் ஏதுமின்றி சாந்தமான நாயகனாக திரையில் தோன்றிய சிம்பு "மன்மதன்" படத்தில் இரட்டை வேடத்தில் கலக்க ஆரம்பித்தார். இன்று முப்பதுகளில் இருக்கின்ற நைண்டீஸ் கிட்ஸ் அத்தனை பேரையும் மன்மதன் என்கிற ஒரே படத்தின் மூலம் தன் பக்கம் இழுத்துக் கொண்டார் சிம்பு.

மன்மதன் படத்திற்கு கதை மற்றும் திரைக்கதை எழுதிய சிம்பு "வல்லவன்" படத்தை இயக்கவும் செய்தார். இக்காலக் கட்டத்தில் தான் சிம்பு, யுவன் எனும் இளைஞர்களின் விருப்பக் கூட்டணி உருவானது. காதல் வளர்த்தேன், லூசுப் பெண்ணே என ஒரு தலைக்காதலின் வீரியத்தை பாடல்களின் அழகாய் அடிக் கோடிட்டு காட்டியது இக்கூட்டணி.

சிம்புவும் கௌதம் வாசுதேவ் மேனனும் முதல் தடவையாக இணைந்த "விண்ணைத் தாண்டி வருவாயா" சிம்புவின் வாழ்வில் ஓர் மைல்கல் திரைப்படம். அதுவரை இருந்த சிலம்பரசனின் மொத்த லுக்கைஅடுத்த ஆண்டே வெளியான "வானம்" திரைப்படத்தில் கேபிள் ராஜா எனும் கதாப்பாத்திரத்தில் நடித்திருந்த சிலம்பரசன், படத்தின் இறுதிக் காட்சிகளில் உள்ளார்ந்த நடிப்பை வெளிப்படுத்தினார்.

மணிரத்னம் இயக்கிய "செக்கச் சிவந்த வானம்" படத்தில் முக்கிய கதாப்பாத்திரம் ஏற்றிருந்த சிம்பு, மல்டி ஸ்டார் படங்களில் நடிக்க ஆரம்பித்தார். அண்மையில் வெளியான "வாரிசு" படத்தின் ப்ரமோஷன் பாடலிலும் சிம்பு தோன்றினார். பல தடைகளையும் சோதனைகளையும் மாறி மாறி சந்தித்து வந்த சிம்புவிற்கு மற்றுமொரு சோதனையாக "மாநாடு" திரைப்படம் அமைந்தது. ஆனாலும் அத்தனை தடைகளையும் தகர்த்தெறிந்து வெளியாகி, வசூல் வேட்டை நடத்தியது மாநாடு.

தொடர்ந்து கௌதம் மேனனுடன் மூன்றாவது முறையாக இணைந்து "வெந்து தணிந்தது காடு" படத்தில் டானாக காட்சியளித்து அசத்திய சிம்பு, தற்போது கிருஷ்ணா இயக்கத்தில் "பத்து தல" படத்தில் நடித்து வருகிறார். ரசிகர்களின் பலத்த எதிர்ப்பார்ப்புகளுக்கு மத்தியில் உருவாகி வரும் இத்திரைப்படம் சிம்புவின் திரைவாழ்வில் மற்றுமொரு வெற்றிப் படமாக அமையுமா? என்பது ரசிகர்களின் கையில்.