என்ன இவ்ளோ ஸ்லிம்மா மாறிட்டாரு? - வைரலாகும் சிம்புவின் லேட்டஸ்ட் லுக்

ஈஸ்வரன் படத்தின்போது உடல் எடையைக் குறைத்து ஆச்சரியப்படுத்திய சிம்பு, மாநாடு படத்திலும் அதே தோற்றத்தில் நடித்திருந்தார்.

உடல் எடை குறைத்தது குறித்து பேசிய சிம்பு செக்கச்சிவந்த வானம் படத்தில் ஓடிவரும் காட்சியில் நடிக்க மிகவும் சிரமப்பட்டேன். அன்று இரவு என்னடா நம்மளால ஓட கூட முடியல என அழுதேன்.

கட் பண்ணா மாநாடு படத்தில் ஏர்போர்ட் சீனில் நான் ஓடி வரவேண்டும். அப்போது கேமரா மேனால் என்னை பிடிக்க முடியவில்லை என்றார் பெருமையாக.

இதன் பிறகு பத்து தல படத்தின்போது இயக்குநர் ஒபேலி என்.கிருஷ்ணாவின் வேண்டுகோளுக்கிணங்க மீண்டும் எடை அதிகரித்திருந்தார். அந்தப் படத்துக்காக நீளமான தாடியுடன் சால்ட் அண்ட் பெப்பர் லுக்கில் காட்சியளித்திருந்தார்.

பத்து தல படத்துக்கு டப்பிங் பேச வரவில்லை என்று குற்றச்சாட்டு எழுந்தபோது அவர் தாய்லாந்தில் இருப்பதாகவும் அங்கிருந்தே அவர் படத்துக்கு டப்பிங் பேசியதாகவும் தயாரிப்பாளர் விளக்கமளித்தார். மேலும் தாய்லாந்தில் இருப்பதால் அவர் பத்து தல இசை வெளியீட்டுக்கு வருவாரா என்ற கேள்வி எழுந்தது.

இந்த நிலையில் மீண்டும் உடல் எடை குறைந்து ஸ்டைலான லுக்கில் தமிழ்நாடு வந்திருக்கிறார். தேசிங் பெரியசாமி இயக்கும் படத்துக்காக தான் இந்த லுக்கிற்கு மாறியுள்ளதாகவும் இதற்காகவே அவர் தாய்லாந்து சென்றுள்ளதாகவும் கூறப்படுகிறது.

பத்து தல படம் வருகிற 30 ஆம் தேதி திரைக்குவரவிருக்கிறது. மஃப்டி கன்னட படத்தின் ரீமேக்கான இந்தப் படத்தை சில்லுனு ஒரு காதல், நெடுஞ்சாலை படங்களின் இயக்குநர் ஒபேலி என்.கிருஷ்ணா இயக்கியுள்ளார். இந்தப் படத்தில் கௌதம் கார்த்திக், பிரியா பவானி ஷங்கர், கலையரசன் உள்ளிட்டோர் முக்கிய வேடங்களில் நடித்துள்ளனர். ஏ.ஆர்.ரஹ்மான் இசையில் இந்தப் படத்தின் பாடல்கள் மற்றும் டிரெய்லர் வெளியாகி படத்தின் மீதான எதிர்பார்ப்பை அதிகரித்துள்ளது.