காதலரை திருமணம் செய்துக் கொள்வேனா எனத் தெரியாது - ஸ்ருதி ஹாசன் ஓபன் டாக்

முதிர்ச்சியான நடிப்பு மற்றும் செதுக்கப்பட்ட உடல்வாகிற்கு பெயர் போனவர் நடிகை ஸ்ருதி ஹாசன். தமிழ், தெலுங்கு மற்றும் இந்தியில் முன்னணி நடிகர்களுடன் நடித்துள்ளார். இவர் லண்டனை சேர்ந்த மைக்கேல் கோர்சல் என்பவரை காதலித்து வந்தார். சில ஆண்டுகளுக்குப் பின் இந்த காதல் முறிந்து போனது.

இது நடந்து சில வருடம் கழிந்த நிலையில் கெளஹாத்தியைச் சேர்ந்த சாந்தனு ஹசாரிகா என்ற டூடுல் ஆர்டிஸ்ட் மற்றும் ராப் பாடகரை ஸ்ருதி காதலிப்பதாக தகவல் வெளியானது. அவரின் கடந்த பிறந்தநாளின் போது, ‘ஹேப்பி பர்த்டே பிரின்சஸ்’ எனத் தனது வாழ்த்துகளை தெரிவித்திருந்தார் சாந்தனு.

இந்நிலையில் தனது காதல் குறித்து பேசியிருக்கும் ஸ்ருதி, “சினிமா நடிகையாக இருப்பதால், இதற்கு முன்பு சில விஷயங்களை வெளியில் சொல்லாமல் இருந்தேன். சில வருடங்களாக இருந்த நான், இப்போது சாந்தனு ஹசாரிகாவை உயிருக்குயிராக காதலிக்கிறேன். ஆங்கில நாவல்கள், பெயிண்டிங், கிராபிக்ஸ் போன்ற விஷயங்களில் எனது எண்ணமும், அவரது எண்ணமும் ஒரேமாதிரி இருந்ததால் ஒருவரை ஒருவர் விரும்பினோம்.

என் தோழிக்கு பெயிண்டிங் பரிசளித்தபோது அவர் எனக்கு அறிமுகமானார். பிறகு ஆன்லைனில் பேசினோம். நிறைய விஷயங்களில் எங்கள் எண்ணம் ஒரேமாதிரி இருந்ததால் காதலிக்க தொடங்கினோம். பிற்காலத்தில் நாங்கள் திருமணம் செய்துகொள்வோமா என்று தெரியாது” எனக் குறிப்பிட்டுள்ளார்.

தவிர, பிரபாஸின் சலார் படத்தில் நடித்து முடித்துள்ள ஷ்ருதி ஹாசன், தற்போது பாலகிருஷ்ணாவின் திரைப்படத்திலும் நடிக்க கமிட்டாகியிருப்பது குறிப்பிடத்தக்கது.

காதலருடன் ஸ்ருதி ஹாசன்...