''ரஜினிகாந்த் என்றும் சூப்பர் ஸ்டார்'' - நடிகை ஸ்ரேயா அதிரடி

கன்னட நடிகர் உபேந்திரா நடிப்பில் உருவாகியுள்ள கப்சா படம் பான் இந்தியன் படமாக வருகிற 17 ஆம் தேதி திரைக்குவரவிருக்கிறது.

இந்தப் படத்தில் நடிகை ஸ்ரேயா கதாநாயகியாக நடித்துள்ளார். நடிகர் உபேந்திரா தமிழில் விஷாலுடன் சத்யம் படத்தில் நடித்து தமிழ் ரசிகர்களுக்கு பரவலாக அறியப்படுபவராக இருக்கிறார்.

இந்தப் படத்தின் பத்திரிகையாளர் சந்திப்பு சமீபத்தில் சென்னையில் நடைபெற்றது. விழாவில் பேசிய ஸ்ரேயா, கப்சா என் மனதுக்கு நெருக்கமான படம். எனக்கு இந்தப் படத்தில் நடிக்க வாய்ப்பளித்த இயக்குநருக்கு நன்றி.

ரஜினிகாந்த் தான் என்றும் சூப்பர் ஸ்டார். ரஜினியுடன் நடித்தபோது நிறைய கற்றுக்கொண்டேன். அவருடன் மீண்டும் நடிக்க விரும்புகிறேன்.

ஒருவருக்கு எப்படி மரியாதை கொடுக்க வேண்டும், இரக்கம் காட்டுவது என்பதையும், வெற்றியை தலைக்கு மேல் உயர்த்திக்கொள்ளக் கூடாது என்பதையும் அவரைப் பார்த்துக் கற்றுக்கொண்டேன்.

சிவாஜி படத்தில் நடிக்க வாய்ப்பளித்த ஷங்கருக்கு இப்பொழுது நன்றி தெரிவித்துக்கொள்கிறேன்.

கப்சா படம் உங்களுக்கு நிச்சயம் பிடிக்கும். திரையரங்கில் சென்று பாருங்கள். என்று குறிப்பிட்டுள்ளார்.