கர்ப்பமானதை ஏன் வெளியில் சொல்லவில்லை? ஷ்ரேயாவின் பதில்...

தான் கர்ப்பமாக இருந்ததை ஏன் வெளியில் சொல்லவில்லை என்பதை தற்போது தெரிவித்திருக்கிறார் நடிகை ஷ்ரேயா.

இந்திய திரையுலகில் அதிகம் விரும்பப்படும் நடிகைகளில் ஷ்ரேயா சரணும் ஒருவர். இவருக்கு கடந்த சில ஆண்டுகளுக்கு முன்பு ராதா என்ற பெண் குழந்தை பிறந்தது.

இவர் தனது கர்ப்பத்தை தெரியப்படுத்தாமல், குழந்தை பிறந்ததை அறிவித்ததும் திரையுலகினர் அதிர்ச்சியடைந்தனர்.

தற்போது அதற்கான காரணத்தை வெளிப்படுத்தியிருக்கிறார் ஷ்ரேயா.

நான் என் கர்ப்பத்தைப் பற்றி பேசாமல் இருப்பதற்கு ஒரு முக்கிய காரணம், பயம். நான் அதை என்னுடைய நேரமாக மாற்றி, அந்த நேரத்தை செலவிட விரும்பினேன், ராதாவுடன் ஆறு மாதங்கள் செலவிட்டேன். அப்போது பருமனாக இருந்தேன்.

என்னைப் பற்றி யார் என்ன எழுதினாலும் பரவாயில்லை என, என் குழந்தை மீது கவனம் செலுத்தினேன்.

இன்னொரு காரணம் என்னவென்றால், என் கர்ப்பத்தைப் பற்றி நான் பேசினால், எனக்கு வேலை கொடுக்க நேரம் எடுத்துக்கொள்வார்கள் என்று பயந்தேன்.

இது ஒரு விஷுவல் மீடியம், மக்கள் உங்களை இப்படித்தான் பார்க்க வேண்டும் என ஆசைப்படுவார்கள்.

நான் கர்ப்ப காலத்தை மகிழ்ச்சியுடன் அனுபவித்து, குழந்தை பிறப்பை அறிவிக்கும் போது ஏற்கனவே சில படங்களில் நடித்துக் கொண்டிருந்தேன்.

ராதாவுக்கு 9 மாதம் ஆகும் போது நான் எனது உடல் எடையை குறைத்து விட்டேன். அந்த அழுத்தம் எனக்கு இருந்தது” எனத் தெரிவித்திருக்கிறார்.