சுகப்பிரசவத்தில் பிறந்த மகள்! - ஷ்ரேயா குழந்தையின் பெயர் என்ன தெரியுமா?

குழந்தையுடன் ஸ்ரேயா சரண்

நடிகை ஸ்ரேயா சரண் இப்போது ஒரு தாய். நேற்று, அவர் இன்ஸ்டாகிராமில் தான் ஒரு பெண் குழந்தையை பெற்றெடுத்த மகிழ்ச்சியான செய்தியை அறிவித்தார்.

அதன் பிறகு இணையம் முழுக்க ட்ரெண்டாகி வருகிறார் ஷ்ரேயா. குழந்தைக்கு 9 மாதம் ஆகும் நிலையில், இப்போது தான், அவர் தாய்மையடைந்த செய்தியை வெளியுலகிற்கு அறிவித்துள்ளார்.

இதையடுத்து முன்னணி ஆங்கில ஊடகத்திற்கு பேட்டியளித்த ஸ்ரேயா, ”என் குழந்தைக்கு 9 மாதமாகிறது. நான் அவளை இனி மறைக்க முடியாது என்று நினைக்கிறேன். அவள் ஏற்கனவே நன்கு பயணித்த குழந்தை, உலகம் முழுவதும் சில பகுதிகளுக்கு சென்று வந்திருக்கிறாள். ஒரு குழந்தை, தாயைப் பெற்றெடுத்தைப் போல நான் மிகவும் மகிழ்ச்சியாக உணர்கிறேன். ராதா எனது பெஸ்ட் ஃப்ரெண்ட்’ என தனது மகிழ்ச்சியை வெளிப்படுத்தினார்.

அதோடு தனது குழந்தைக்கு ராதா எனப் பெயர் வைத்திருப்பதையும், அதை அவரது கணவர் மிகவும் விரும்பியதாகவும் குறிப்பிட்டார்.

ஸ்ரேயா மற்றும் அவரது கணவர் ஆண்ட்ரி கோஷீவ் பார்சிலோனாவில் வசித்து வந்தனர், அங்கு தான் ஊரடங்கு நேரத்தை செலவிட்டனர்.

ராதாவும் அங்கு தான் பிறந்திருக்கிறார். இது குறித்து பேசிய ஷ்ரேயா, ‘இது திட்டமிடப்பட்ட குழந்தை. உலகமே நோய்த்தொற்றால் முடங்கியது. சரி இது தான் குடும்ப வாழ்க்கையை தொடங்க சரியான நேரமென நாங்கள் நினைத்தோம்’ என்றார்.

ராதா தனக்கு சுகப்பிரசவத்தில் பிறந்த விஷயத்தையும் அப்போது கூறினார் ஸ்ரேயா.

’எனக்கு போதுமான அளவு குடும்பத்தின் ஆதரவு இருக்கிறது. என் அம்மா இருக்கிறார். அவர் ராதாவை பார்த்துக் கொள்வார். அதனால் நான் கவலையின்றி படப்பிடிப்பில் கலந்துக் கொள்ளலாம்’ எனவும் குறிப்பிட்டார்.

இரவில் குழந்தை எழுந்தால் யார் பார்த்துக் கொள்வீர்கள் என்ற கேள்விக்கு, நாங்கள் இருவருமே அதை பகிர்ந்துக் கொள்வோம் எனத் தெரிவித்தார் ஸ்ரேயா.

தற்போது ஸ்ரேயாவுக்கு வாழ்த்துகள் குவிந்து வருகின்றன.