வீட்டை பார்க்கணும்னு சொன்னார்.. இப்படி பண்ணுவாருனு நினைக்கல - பிரபல நடிகை பரபரப்பு புகார்

தமிழில் ஜீவன் நடிப்பில் வெளியான யூனிவர்சிட்டி படத்தில் ஒரு பாடலுக்கு நடனமாடியதன் மூலம் தமிழ் ரசிகர்களுக்கு அறிமுகமானவர் ஷெர்லின் சோப்ரா.

தெலுங்கு மற்றும் ஹிந்தியில் நிறைய படங்களில் நடித்திருக்கிறார்.

இந்த நிலையில் நடிகை ஷெர்லின் பத்திரிகையாளர்களை சந்தித்தார். அப்போது  பேசிய அவர், ''கடந்த 12 ஆம் தேதி துபாயிலிருந்து மும்பை வந்தேன். அப்போது எனது மேனேஜர் என்னை அழைத்து முதலீட்டாளர் ஒருவர் உங்களது மியூசிக் வீடியோவில் முதலீடு செய்வது தொடர்பாக உங்களை சந்திக்க விரும்புகிறார் என்றார்.

அன்று மாலை பாடல் பதிவிற்கு பிறகு எனது மேனேஜர் என்னை  முதலீட்டாளரை சந்திக்க ஹோட்டல் ஒன்றிற்கு அழைத்து சென்றார்.

அவர் பெயர் சுனில் பரஸ்மணி லோதா. அவர் எனது பெரிய ரசிகன் என்றார். அவரது பாடல்களில் முதலீடு செய்ய விரும்புவதாக தெரிவித்த அவர், எனது மேனேஜரிடம் முன் பணம் கொடுத்தார்.

இந்த பணத்தை வைத்து சுமாரான மியூசிக் வீடியோ கூட உருவாக்க முடியாது. குறைந்த பட்சம் ரூ.15 முதல் ரூ.20 லட்சம் இருந்தால் மட்டுமே ஓரளவுக்கு நல்ல மியூசிக் வீடியோவை உருவாக்க முடியும் என்று கூறினேன். பின்னர் என்னிடம் அந்தத் தொகையைத் தர அவர் உறுதியளித்தார்.

பின்னர் நான் அங்கிருந்து கிளம்பியபோது தன்னிடம் கார் இல்லையென்றும் தன்னை டிராப் செய்யுமாறும் சுனில் கேட்டார். அதற்கு சம்மதித்து என் காரில் அவரை ஏற்றிக்கொண்டேன். முதலில் என்னை வீட்டில் இறக்கிவிட்டு பின்னர் அவரை அவரது இருப்பிடத்தில் இறக்கிவிடுமாறு டிரைவரிடம் கூறினேன்.

என் வீடு வந்ததும் என் வீட்டை பார்க்க வேண்டும் என சுனில் கேட்டார். அதற்கு சம்மதித்து என் வீட்டிற்கு அவரை அழைத்து சென்றேன். அவருக்கு இரவு உணவு அளித்தேன். உணவுக்கு பிறகு நாங்கள் பேசிக்கொண்டிருந்தபோது அவர் என் மேல் கைவைக்கத் தொடங்கினார். தனக்கு விருப்பமில்லை என அவரை எச்சரித்தேன்.

மேலும் நான் ஹாட்டாக இருப்பதால் தன்னால் ஆசையைக் கட்டுப்படுத்த முடியவில்லை என்றார். எனது அறைக்கு வந்து தொடர்ந்து பாலியல் தொல்லை கொடுத்தார். இதனையடுத்து சுனில் மீது காவல்துறையில் புகார் அளித்தேன். அவர் மீது 3 பிரிவுகளின் கீழ் காவல்துறையினர் வழக்கு பதிவு செய்துள்ளனர். என்றார்.