உங்க பொண்ணு மட்டும் காவி பிகினி அணியலாமா ? பிரபல இயக்குநரை வறுத்தெடுத்த நெட்டிசன்கள்

கிட்டத்தட்ட 3 ஆண்டுகளுக்கு பிறகு நடிகர் ஷாருக்கான் பதான் படத்திலும், அட்லி இயக்கும் ஜவான் படத்திலும் நடித்துவருகிறார். இடையில் அவர் சிறப்பு தோற்றத்தில் நடித்த ராக்கெட்ரி, லால் சிங் சத்தா படங்கள் மட்டுமே வெளியாகிருந்தன.

இதனால் அடுத்த ஆண்டு ஜனவரி 25 ஆம் தேதி திரையரங்குகளில் வெளியாகவிருக்கும் பதான் படத்தின் மீதான எதிர்பார்ப்பு ரசிகர்களிடையே அதிகரித்துள்ளது. அந்த வகையில் இந்தப் படத்திலிருந்து  பேஷாராம் ராங் என்ற பாடல் வெளியாகியிருந்தது.

பாடலில் நடிகை தீபிகா படுகோன் காவி நிறத்தில் பிகினி உடை அணிந்திருப்பதாகவும் இது இந்துக்களின் மனதை புண்படுத்துவதாகவும் கூறி படத்தை தடை செய்யவேண்டும் என்று கூறி Boycott Pathaan என்ற ஹேஷ்டேக் சமூக வலைதளங்களில் டிரெண்டானது.

அந்தக் காட்சிகளை நீக்காவிடில் படத்தை மத்திய பிரதேச மாநிலத்தில் திரையிட அனுமதிப்பதா? இல்லையா ?என முடிவெடுக்க வேண்டிவரும் என அம்மாநில உள்துறை அமைச்சர் நரோத்தம் மிஷ்ரா பேசியிருந்தது பரபரப்பை ஏற்படுத்தியிருந்தது.

பாலிவுட் திரையுலகிலும் இருந்தும் பதான் படத்துக்கு எதிர்ப்புகள் கிளம்பியது. தி காஷ்மீரி ஃபைல்ஸ் படத்தை இயக்கிய விவேக் அக்னிஹோத்ரி பதான் பாடலுக்கு எதிராக சிறுமி ஒருவர் பேசும் வீடியோவைப் பகிர்ந்து, இந்த வீடியோ பாலிவுட்டுக்கு எதிரானது. மதசார்பற்றவர்கள் இந்த வீடியோவை பார்க்காதீர்கள் என்று குறிப்பிட்டிருந்தார்.

இந்த நிலையில் விவேக் அக்னிஹோத்ரியின் மகள் மல்லிகா அக்னிஹோத்ரி கடற்கரையில் பிகினி உடையில் இருக்கும் படங்களைப்  ஷாருக்கான் ரசிகர்கள் பகிர்ந்து, ''உங்கள் மகளே காவி வண்ணத்தில் பிகனி உடை அணிந்திருக்கிறார். முதலில் அவரை கண்டியுங்கள். பின்னர் மற்றவர்களை கேள்வி கேட்கலாம்'' என கமெண்ட் செய்துவருகிறார்கள்.