காதலில் விழுந்த பாலிவுட் வாரிசுகள் - சம்மந்தியாகும் ஷாருக்கான் - அமிதாப் பச்சன்?

நடிகர் ஷாருக்கானின் மகள் சுஹானா கான், தயாரிப்பாளர் போனி கபூர் - ஸ்ரீ தேவியின் மகள் குஷி கபூர், அமிதாப் பச்சனின் மகள் வழிப் பேரன் அகஸ்தியா என பாலிவுட் நட்சத்திரங்களின் வாரிசுகள் இணைந்து ஜோயா அக்தர் இயக்கத்தில் நெட்ஃபிளிக்ஸிற்காக தயாராகும் படத்தில் அறிமுகமாகின்றனர்.

விரைவில் இந்தப் படம் நேரடியாக நெட்ஃபிளிக்ஸ் ஓடிடி தளத்தில் வெளியாகவுள்ளது. இந்தப் படத்தில் நடித்தபோது ஷாருக்கானின் மகள் சுஹானா கானுக்கும் அமிதாப் பச்சனின் பேரன் அகஸ்தியா நந்தாவுக்கும் காதல் மலர்ந்ததாக கூறப்படுகிறது.

இருவரும் இணைந்து ரெஸ்டாரண்டிலிருந்து வெளியே வந்தபோது எடுக்கப்பட்ட படங்கள் சமூக வலைதளங்களில் வெளியாகி பரபரப்பாக பேசப்பட்டது.

இருவரும் நீண்ட நாட்களாக காதலில் இருப்பதாக கூறப்படும் நிலையில் இருவரும் அடிக்கடி டேட்டிங் செல்கின்றனராம். மேலும் அகஸ்தியா தனது குடும்பத்தினரிடம் சுஹானாவை தனது காதலி என அறிமுகப்படுத்தியிருப்பதாகவும் தகவல் வெளியாகியுள்ளது.

அகஸ்தியாவின் அம்மா ஸ்வேதா பச்சனுக்கு சுஹானாவை மிகவும் பிடித்துவிட்டதாம். இதனையடுத்து இருவரது காதலுக்கு சம்மதம் தெரிவித்தாராம்.

இப்படி தகவல்கள் பரவிக்கொண்டிருக்க பாலிவுட்டின் கபூர் குடும்பத்தின் பார்ட்டி ஒன்றில் ஷாருக்கான் மகள் சுஹானா, ஸ்வேதா பச்சன் மற்றும் அவரது மகன் அகஸ்தியா நந்தா ஆகியோர் கலந்துகொண்டிருக்கின்றனர்.

பார்ட்டியில் இருவரும் கருப்பு நிற டீ சர்ட்டில் வலம் வந்திருக்கின்றனர். அப்போது சுஹானாவின் கைபிடித்து ஸ்வேதா பச்சன் நடக்கும் வீடியோ சமூக வலைதளங்களில் வைரலாகிவருகிறது.