இந்த புகைப்படத்தில் இருக்கும் குழந்தை யார் தெரியுதா? இவங்க பிரபல சீரியல் நடிகை!

குழந்தை நட்சத்திரமாக தெலுங்கு சினிமாவில் அறிமுகமான பிரியங்கா, தமிழ் சினிமா மேல் கொண்ட காதலால் 'தீயா வேலை செய்யணும் குமாரு' படத்தில் நடித்தார்.

அதன்பிறகு லாரன்ஸ் இயக்கிய காஞ்சனா 3 படத்திலும் நடித்தார். ஆனால் சினிமாவில் அவர் எதிர்பார்த்த வாய்ப்பு கிடைக்கவில்லை.

பின்னர் சன் டிவி-யில் ஒளிபரப்பான ரோஜா சீரியலில் நடித்தார். திரைப்படங்களின் மூலம் கிடைக்காத பேரும் புகழும் ரோஜா சீரியலால் பிரியங்காவுக்குக் கிடைத்தது. இந்த சீரியல் மூலம் இவர் 2 முறை சன் டிவி குடும்ப விருதுகளையும் வாங்கியுள்ளார். தற்போது ஜீ தமிழில் ஒளிபரப்பாகி வரும் சீதா ராமன் சீரியலில் நடித்து வருகிறார்.

இந்நிலையில் கடந்த 23-ம் தேதி தனது காதலரை கரம் பிடித்த மகிழ்ச்சியை ரசிகர்களுடன் பகிர்ந்துக் கொண்டார் பிரியங்கா. இந்த ஹேப்பி எண்டிங்கிற்கு பின்னால் அவர், மிகுந்த சிரமங்களையும், கஷ்டங்களையும் கடந்துள்ளார்.

சில ஆண்டுகளுக்கு முன்பு தனது தனிப்பட்ட வாழ்க்கை குறித்து நேர்க்காணல் ஒன்றில் பேசிய பிரியங்கா, “ராகுல்ங்கிற கிட்டுவுக்கும் எனக்கும் 2018-ஆம் ஆண்டு, மே மாசம் 10-ம் தேதி நிச்சயதார்த்தம் நடந்தது. நான் செல்லமா அவரை 'கிட்டுலூ'ன்னு தான் கூப்பிடுவேன். தெலுங்கு சினிமாவுலயும் சரி டி.வி-யிலயும் சரி, அவர் முகம் பரிச்சயம். பரஸ்பரம் ரெண்டு பேரும் லவ் பண்ணினோம்.

ரெண்டு பேரும் ஒரே ஃபீல்டுல இருந்தா சௌகரியமா இருக்கும்னு சிலர் சொல்வாங்க, ஆனா எங்களுக்கு அது தான் வினை. போகப்போக ஒருத்தரையொருத்தர் பார்க்க, பேசக்கூட முடியாதபடி அவரோட கால்ஷீட்டும், என்னோட கால்ஷீட்டும் குழப்ப, நிச்சயதார்த்தத்துக்குப் பிறகு எப்ப கல்யாணத்தை வச்சுக்கலாம்கிறதுல லேசா மனஸ்தாபம்.

அதனால, 'எனக்கு இந்த ஃபீல்டே வேண்டாம்'னு கோபிச்சுட்டு மலேசியா போய், அங்க ஒரு நிறுவனத்துல வேலைக்கு சேர்ந்துட்டார். என் கிட்ட பேசாம என் ஃபோனையும் எடுக்க மாட்டேங்குறார். இந்த பிரச்னை எல்லாம் சீக்கிரம் சரியாகணும்ன்னு கடவுளை வேண்டிட்டு இருக்கேன்” எனத் தெரிவித்திருந்தார். 5 வருடங்களுக்குப் பிறகு ஒருவழியாக ராகுலை மணந்துள்ளார் பிரியங்கா. இவர்களது திருமணம் மலேசியா முருகன் கோயிலில் நடந்திருப்பது குறிப்பிடத்தக்கது.

இந்த திருமணம் ரகசியமாக நடைபெற்றதாக அனைவரும் கமெண்ட் செய்த நிலையில், அதை மறுத்துள்ளார் பிரியங்கா நல்காரி. இந்நிலையில் திருமணத்திற்கு பிறகு லைவில் வந்த பிரியங்கா, அந்த தகவலை மறுத்துள்ளார். தன்னுடைய திருமணம் குடும்பத்தினர் ஒப்புதலோடுதான் நடந்தது என்றும் ஆனால் ராகுல் வீட்டில் இந்த திருமணத்தை ஏற்காத நிலையில், அவர்கள் ஏற்றவுடன் அனைவரும் இணைந்து இந்த திருமணத்தை கொண்டாடுவோம் என்றும் அவர் கூறினார்.

தொடர்ந்து தனது இன்ஸ்டாகிராம் பக்கத்தில் ஆக்டிவாக இருக்கும் பிரியங்க தற்போது தனது சிறுவயது புகைப்படத்தை பகிர்ந்துள்ளார். அது தற்போது இணையத்தில் வைரலாகி வருகின்றது.