அன்றும்.. இன்றும்.. எடை குறைப்பு பற்றி மோட்டிவேட் செய்யும் குஷ்பு..

நடிகை குஷ்பு 90களில் முன்னணி நடிகையாக வலம் வந்தவர். இன்றும் திரைப்படங்களில் முக்கிய கதாபாத்திரங்களில் நடித்து வருகிறார்.சமீபத்தில் நடிப்பில் வெளியான அண்ணாத்த படத்தில் குஷ்பு நடித்திருந்தார்.

வயசானாலும் உன் ஸ்டைலும் அழகும் மாறவே இல்ல என்ற வசனத்தை போல இன்றும் அதே அழகுடன் மின்னுகிறார்.

கொரோனா காலத்தில் லாக்டவுடன் போடப்பட்டதால் பலரும் வீட்டிலேயே முடங்கி கிடந்தனர்.அந்த சமயத்தை பயன்படுத்தி சிலர் உடல் எடையை குறைக்க முயற்சி செய்தார்கள். அதில் நடிகை குஷ்புவும் ஒருவர். கடினமாக வொர்க் அவுட் செய்து 20 கிலோ வரை உடல் எடையை குறைத்து ஃபிட்டாகி உள்ளார்.

இந்நிலையில் உடல் எடை இழப்பு பற்றி ட்விட்டரில் குஷ்பு பதிவிட்டுள்ளார். அதில் ’20 கிலோ குறைத்து அங்கிருந்து இங்கு வந்துள்ளேன். நான் மிகவும் ஆரோக்கியமாக இருக்கிறேன். உங்களை கவனித்துக் கொள்ளுங்கள், நினைவில் கொள்ளுங்கள், ஆரோக்கியமே செல்வம். என் உடம்பு சரியில்லையா என்று கேட்பவர்களின் அக்கறைக்கு நன்றி.இதற்கு முன்பு நான் அவ்வளவு ஃபிட்டாக இருந்ததில்லை. நான் உங்களில் 10 பேரையாவது உடல் எடையை குறைத்து, ஃபிட்டாக இருக்க தூண்டினால், நான் வெற்றி பெற்றுள்ளேன் என்பது எனக்குத் தெரியும்' என்று பதிவிட்டுள்ளார்.

மேலும் குஷ்பு உடல் எடை குறைத்த பிறகு மாடர்னான உடையில் கலக்கி வருகிறார் . அவர் இன்ஸ்டாகிராம் பகிரும் புகைப்படங்களும் சமூக வலைதளங்களில் வைரலாகி வருகின்றன.