சிம்புவின் 'பத்து தல' படத்தில் கவர்ச்சி நடனமாடிய சாயிஷா - வைரலாகும் படங்கள்

சில்லுனு ஒரு காதல், நெடுஞ்சாலை உள்ளிட்ட படங்களை இயக்கிய ஒபேலி என்.கிருஷ்ணா சிம்பு ஹீரோவாக நடித்துள்ள பத்து தல படத்தை இயக்கியிருக்கிறார்.

கன்னடத்தில் சிவ ராஜ்குமார் நடித்து வெளிவந்த மஃப்டி படத்தின் தமிழ் ரீமேக்கான இந்தப் படத்தில் கௌதம் கார்த்திக், பிரியா பவானி ஷங்கர், கௌதம் மேனன், கலையரசன், டிஜே அருணாசலம் உள்ளிட்டோர் முக்கிய வேடங்களில் நடித்துள்ளனர். இந்தப் படம் வருகிற 30 ஆம் தேதி திரைக்குவரவிருக்கிறது.

ஏ.ஆர்.ரஹ்மான் இசையில் இந்தப் படத்திலிருந்து நம்ம சத்தம், நினைவிருக்கா பாடல்கள் ஏற்கனவே வெளியாகி நல்ல வரவேற்பைப் பெற்றிருந்தன.

இந்த நிலையில் இந்தப் படத்தின் இசை வெளியீட்டு விழா நேற்று நடைபெற்றது. பாடல்களுடன் படத்தின் டிரெய்லரும் வெளியிடப்பட்ட நிலையில் ரசிகர்களிடையே படத்தின் மீதான எதிர்பார்ப்பு அதிகரித்திருக்கின்றன.

இந்தப் படத்தில் ஒரு பாடலுக்கு நடிகை சாயிஷா கவர்ச்சிகரமாக நடனமாடியிருக்கிறார். பாடல் இன்னும் வெளியாகாத நிலையில் கௌதம் கார்த்திக்குடன் சாயிஷா நடனமாடும் புகைப்படங்கள் தற்போது சமூக வலைதளங்களில் வைரலாகிவருகின்றன.

திருமணத்துக்கு பிறகு புஷ்பா படத்தின் ஊ சொல்றியா பாடலுக்கு சமந்தா கவர்ச்சி நடனமாடியதுபோல் சாயிஷாவும் நடனமாடியுள்ளதாக ரசிகர்கள் கருத்து தெரிவித்துவருகின்றனர்.

பத்து தல இசை வெளியீட்டு விழாவில் சிம்புவின் பேச்சு ஹைலைட்டாக அமைந்தது. விழாவில் பேசிய சிம்பு ஒவ்வொரு நாளும் நம்மள மாத்தி தான் ஆகணும். இனிமே நீங்க சந்தோஷமா இருங்க. மத்ததெல்லாம் நான் பாத்துக்கிறேன். இனிமே நான் என்ன பண்றேனு மட்டும் பாருங்க. சாதாரணமா வரல. வேற மாறி வந்திருக்கேன். இனிமே உங்கள தலை குணிய விடமாட்டேன் என்று குறிப்பிட்டிருந்தார்.