Samantha : இன்ஸ்டாகிராமில் நாக சைதன்யாவுடன் இருக்கும் புகைப்படங்களை நீக்கிய சமந்தா..

நடிகை சமந்தா தமிழில் விண்ணைத்தாண்டி வருவாயா படத்தில் சிறிய கதாபாத்திரம் மூலம் அறிமுகமானார். பின்பு விண்ணைத்தாண்டி வருவாயா படத்தின் தெலுங்கு ரீமேக்கில் நாக சைதன்யாவுடன் இணைந்து நடித்தார்.அதையடுத்து தமிழிலும் கதாநாயகியாக நடிக்க தொடங்கினார்.

2017 ஆம் ஆண்டு நீண்ட நாட்களாக காதலித்து வந்த நாக சைதன்யாவை சமந்தா திருமணம் செய்துக்கொண்டார். இவர்களின் திருமணம் இந்து மற்றும் கிறிஸ்டியன் முறைப்படி பிரம்மாண்டமாக நடைப்பெற்றது.

மூன்று ஆண்டுகளாக திருமண வாழ்க்கையில் சேர்ந்து வாழ்ந்த சமந்தா மற்றும் நாக சைதன்யா தம்பதியினர் அக்டோபர் 2 ஆம் தேதி திருமண வாழ்க்கையிலிருந்து பிரிய உள்ளதாக அறிவித்தனர். இந்த செய்தி ரசிகர்களுக்கு மிகுந்த வருத்தத்தை அளித்தது.

விவாகரத்துக்கு பின்பு சமந்தா தனது தோழியுடன் ஆன்மிக சுற்றுலா சென்றார். அதையடுத்து தற்போது துபாய் சென்றுள்ளார். துபாயிலிருந்து வந்த பிறகு சமந்தா படங்களில் நடிப்பார் என்று எதிர்பார்க்கபடுகிறது.

இந்நிலையில் நடிகை சமந்தா நாக சைதன்யாவுடன் இன்ஸ்டாகிராமில் பதிவிட்டிருந்த அனைத்து புகைப்படங்களையும் நீக்கியுள்ளார். ஆனால் நாக சைதன்யா சமந்தாவுடன் பதிவிட்டிருந்த எந்த ஒரு புகைப்படத்தையும் தனது இன்ஸ்டாகிராமிலிருந்து நீக்கவில்லை என்பது குறிப்பிடத்தக்கது.