சமந்தா முதல் நயன்தாரா வரை! முன்னணி நடிகைகளின் சம்பள விவரம்..

தமிழ் சினிமாவில் நடிகர்களுக்கு கூடுதல் சம்பளம் வழங்கப்படுவதை போல சில முன்னனி நடிகைகளும் கோடி கணக்கில் சம்பளம் பெறுகின்றனர். அந்த வகையில் எந்தெந்த நடிகை எவ்வளவு சம்பளம் பெறுகிறார்கள் என்பதின் முழு பட்டியல் இதோ..

தமிழ் மற்றும் தெலுங்கில் கலக்கி கொண்டிருக்கிறார் ராஷ்மிகா மந்தனா. தற்போது ஹிந்தியிலும் இரண்டு படங்களில் நடித்து வருகிறார். விஜய் நடிக்கும் வாரிசு படத்தில் விஜய்க்கு ஜோடியாக நடிக்கிறார். ராஷ்மிகா ஒரு படத்திற்கு 3 கோடி வரை சம்பளம் பெறுகிறார்.

விஜய் நடிப்பில் வெளியான பீஸ்ட் படம் மூலம் தமிழில் பிரபலமானவர் பூஜா ஹெக்டே. அரபிக்குத்து பாடலில் பூஜா ஹெக்டேவின் நடனத்திற்கு பல ஃபேன்ஸ் உள்ளனர். தற்போது இவர் தெலுங்கிலும் முன்னணி நடிகையாக திகழ்கிறார். பூஜா ஒரு படத்திற்கு ரூ.5 கோடி சம்பளம் வாங்குகிறாராம்.

அன்று பார்த்தது போல் இப்பவும் சிலிம்மாக இருக்கும் தமன்னா தமிழ், ஹிந்தி, தெலுங்கு என அனைத்து மொழிகளிலும் கலக்கி வருகிறார். தமன்னா ஒரு படத்திற்கு ரூ.3 கோடி சம்பளமாக பெறுகிறார்.

நடிகை ரகுல் ப்ரீத் சிங் தமிழில் வெளியான ஸ்பைடர் படம் மூலம் பிரபலமானார். அதையடுத்து தீரன் அதிகாரம் ஒன்று, என்.ஜி.கே ஆகிய படங்களிலும் நடித்தார். தற்போது சிவகார்த்திகேயனுடன் இணைந்து அயலான் படத்தில் நடித்துள்ளார். ரகுல் ப்ரீத் ஒரு படத்திற்கு ரூ.3 கோடி முதல் ரூ.5 கோடி வரை சம்பளம் பெறுகிறாராம்.

காஜல் அகர்வால் தமிழ் சினிமாவின் முன்னணி நடிகர்களானஅஜித், விஜய்யுடன் இணைந்து நடித்துள்ளார். சமீபத்தில் காஜல் அகர்வாலுக்கு ஆண் குழந்தை பிறந்தது. தற்போது ஓய்வில் இருக்கும் காஜல் விரைவில் படங்களில் நடிப்பார் என எதிர்பார்க்கப்படுகிறது. காஜல் அகர்வால் ஒரு படத்திற்கு ரூ.3 கோடி சம்பளமாக பெறுகிறார்.

தமிழ் மற்றும் தெலுங்கு இரண்டு மொழி படங்களிலும் அசைக்கமுடியாத இடத்தில் இருக்கிறார் சமந்தா. புஷ்பா படத்தில் சமந்தா ஆடிய ‘ஓ சொல்றியா மாமா’ பாடல் வேற லெவல் வெற்றிப்பெற்றது. சமந்தா ஒரு படத்திற்கு ரூ.3 கோடி முதல் ரூ.5 கோடி வரை சம்பளம் பெறுகிறார்.

லேடி சூப்பர் ஸ்டார் என்றழைக்கப்படும் நயன்தாரா அவரின் கதாபாத்திரத்திற்கு முக்கியத்துவம் கொடுக்கும் கதைகளை தேர்வு செய்வார். சமீபத்தில் நயன், விக்கி இருவரும் திருமணம் செய்துக்கொண்டனர். நயன்தாரா தற்போது அட்லீ இயக்கும் ஜவான் படத்தில் ஷாருக்கானுக்கு ஜோடியாக நடித்து வருகிறார். நயன்தாரா ஒரு படத்திற்கு ரூ.10 கோடி வரை சம்பளமாக வாங்குகிறாராம்.