அடேங்கப்பா... ஆர்ஆர்ஆர் ஹீரோ ராம் சரண் சொத்து மதிப்பு இவ்வளவா?

ஆர்ஆர்ஆர் படத்துக்கு பிறகு மெகா பவர் ஸ்டாரிலிருந்து குளோபல் ஸ்டாராக உயர்ந்திருக்கிறார் ராம் சரண்.

ராம் சரண் - ஜுனியர் என்டிஆர் இணைந்து நடனமாடிய நாட்டு நாட்டு பாடலுக்கு ஆஸ்கர் விருது கிடைத்திருக்கிறது.

இதனையடுத்து பிரம்மாண்ட இயக்குநர் ஷங்கர் இயக்கத்தில் கேம் சேஞ்சர் படத்தில் நடித்துவருகிறார். ராம் சரணின் பிறந்த நாளை முன்னிட்டு இந்தப் படத்தின் ஃபர்ஸ்ட் லுக் போஸ்டர் வெளியாகி பெரும் எதிர்பார்ப்பை ஏற்படுத்தியிருக்கிறது.

மெகா ஸ்டார் சிரஞ்சீவியின் மகனான ராம் சரண் தனது குடும்ப பெயரில் கொனிடேலா புரொடக்ஷன் என்ற தயாரிப்பு நிறுவனத்தின் மூலம் திரைப்படங்களை தயாரித்து வருகிறார். தனது தந்தை சிரஞ்சீவி நடித்துள்ள கைதி நம்பர் 150, சைரா நரசிம்ம ரெட்டி ஆகிய படங்களை தயாரித்துள்ளார்.

மேலும் ட்ரூஜெட் என்ற விமான நிறுவனத்தையும் நடத்தி வருகிறார் ராம் சரண்.

திரைப்படங்களில் நடிப்பது மட்டுமல்லாமல் விளம்பர படங்களில் நடிப்பது மூலம் இவருக்கு கனிசமான வருமானம் கிடைத்து வருகிறதாம். கிட்டத்தட்ட 34 பிராண்டுகளின் அம்பாசிடராக ராம் சரண் இருக்கிறாராம்.

ராம் சரணின் சொத்து மதிப்பு இந்திய மதிப்பில் ரூ.1,300 கோடி என தகவல்கள் தெரிவிக்கின்றன. இவர் ஹைதராபாத்தில் உள்ள ஜூப்ளி ஹில்ஸ் பகுதியில் குடும்பத்துடன் வசித்து வருகிறார். மேலும் 25,000 சதுர அடி பரப்பளவு கொண்ட இந்த வீட்டின் மதிப்பு ரூ.40 கோடி என்று கூறப்படுகிறது.

கார் பிரியரான ராம் சரண், விலை உயர்ந்த கார்களை வைத்திருக்கிறாராம். இவரிடம் உள்ள மெர்சிடஸ் மேபேஜ் ஜிஎல்எஸ் 600 காரின் விலை ரூ. 4 கோடி என்று கூறப்படுகிறது.