என் உயிர் துணையே - அஜித் - ஷாலினியின் ரொமான்டிக் போஸ் - வைரலாகும் படங்கள்

நடிகர் அஜித் தற்போது ஏகே 62 படத்துக்காக தயாராகிவருகிறார். விக்னேஷ் சிவன் இந்தப் படத்திலிருந்து விலகிய நிலையில் இந்தப் படத்தை மகிழ் திருமேனி இயக்கவிருப்பதாகவும் அனிருத் இசையமைக்கவிருப்பதாகவும் தகவல் வெளியாகியுள்ளது.

ஆனால் இதுவரை அதிகாரப்பூர்வ தகவல் வெளியாகாததால் அஜித் ரசிகர்கள் வருத்தத்தில் இருக்கிறார்கள்.

ஏகே 62 படத்துக்கு பிறகு இரண்டாவது உலக மோட்டார் சைக்கிள் சுற்றுப் பயணத்தை அஜித் மேற்கொள்ளவிருக்கிறார்.

இதற்காக திரைப்படங்களில் நடிப்பதிலிருந்து நீண்ட இடைவெளி விட இருப்பதாக தகவல்கள் தெரிவிக்கின்றன.

இந்த நிலையில் தனது குடும்பத்துடன் இருக்கும் அஜித் துபை சென்றுள்ளதாக சமீபத்தில் தகவல் வெளியானது.

அதற்கேற்ப மனைவி ஷாலினி, மகள் அனோஷ்கா, மகன் ஆத்விக் ஆகியோருடன் இருக்கும் படங்கள் சமூக வலைதளங்களில் வைரலாகிவருகிறது.

இந்த நிலையில் பிரைவேட் ஷிப் ஒன்றில் அஜித் மற்றும் ஷாலினி இருவரும் ஒருவர் மீது ஒருவர் சாய்ந்து ரொமான்டிக்காக போஸ் கொடுக்கும் படங்கள் வெளியாகியுள்ளது.