துரும்பா இளைச்சுட்டார்.. ரோபோ ஷங்கருக்கு என்ன ஆச்சு? புகைப்படத்தைப் பார்த்து பதறும் ரசிகர்கள்

நடிகர் ரோபோ ஷங்கரின் லேட்டஸ்ட் படம் பார்வையாளர்களை அதிர்ச்சிக்குள்ளாக்கியுள்ளது.

சின்னத்திரையிலிருந்து வெள்ளித்திரைக்கு சென்று, அங்கு ஜொலித்துக் கொண்டிருப்பவர்கள் பட்டியலில் நடிகர் ரோபோ ஷங்கரும் ஒருவர்.

மேடை நகைச்சுவை நிகழ்ச்சிகள் மூலம் பார்வையாளர்களை மகிழ்வித்துக் கொண்டிருந்த இவருக்கு, சின்னத்திரையில் நுழையும் வாய்ப்பு கிடைத்தது. அதையும் கச்சிதமாகப் பயன்படுத்திக் கொண்டு பின்னர் வெள்ளித்திரைக்கு சென்றார்.

தமிழில் அஜித், சூர்யா, தனுஷ், சிவகார்த்திகேயன் என்று பல நடிகர்களின் படத்தில் காமெடியனாக நடித்துள்ளார்.

2002-ல் பிரியங்கா என்ற டான்ஸரை காதலித்து திருமணம் செய்துக் கொண்ட ரோபோ ஷங்கருக்கு இரு மகள்கள் இருக்கிறார்கள்.

அதில் இந்திரஜா என்பவர், அட்லீ இயக்கத்தில் பிகில் படத்தில் நடித்திருந்தார். ரோபோ ஷங்கரின் டான்ஸ் வீடியோக்களை அவரது மனைவியும், மகளும் இன்ஸ்டகிராமில் பகிர்வதை வழக்கமாக வைத்துள்ளனர்.

இந்நிலையில் அவரின் லேட்டஸ்ட் படம் வெளியாகி பார்வையாளர்களை மிகுந்த அதிர்ச்சியில் ஆழ்த்தியுள்ளது. கட்டுமஸ்தான உடல் தோற்றத்தில் இருந்த ரோபோ ஷங்கர், தற்போது உடல் மெலிந்து அடையாளம் தெரியாத அளவுக்கு மிகவும் ஒல்லியாக மாறியுள்ளார். உடல் எடையை திட்டமிட்டு குறைத்தாரா அல்லது எதேனும் படத்துக்காக இந்த கெட்டப் மாறமா என ரசிகர்கள் பதிவிட்டு வருகின்றனர்