இவர் யார்னு தெரியுதா? பிரபல ஹீரோ பகிர்ந்த 20 வருட பழைய போட்டோ - வாழ்த்தும் பிரபலங்கள்!

எந்த பின்புலமும் இல்லாமல் தமிழ் சினிமாவில் அடியெடுத்து வைத்த ஆர்ஜே பாலாஜி இன்று நடிகர், இயக்குநர், கதாசிரியர் என தனக்கென ஒரு இடத்தை அழுத்தமாக பதிவு செய்திருக்கிறார்.

ஆர்ஜேவாக சினிமா விமர்சனம் செய்து பிரபலமான இவரது பேச்சுக்கு ரசிகர்களிடையே நல்ல வரவேற்பு கிடைத்தது.

இதன் காரணமாக அவருக்கு சினிமாவில் காமெடி வேடங்கள் கிடைத்தன.

தீயா வேலை செய்யணும் குமாரு, நானும் ரௌடி தான், தேவி போன்ற படங்களில் தன் ஒன் லைனர்கள் மூலம் ரசிகர்களை வயிறு குலுங்க சிரிக்க வைத்தார்.

இதனையடுத்து எல்கேஜி என்ற படத்துக்கு கதை எழுதி ஹீரோவாகவும் மாறினார். அந்தப் படம் நல்ல வெற்றியைப் பதிவு செய்தது.

இதனையடுத்து மூக்குத்தி அம்மன், வீட்ல விசேசம் போன்ற படங்களில் இயக்குநர் அவதாரம் எடுத்தார். தற்போது சிங்கப்பூர் சலூன் என்ற படத்தில் ஆர்ஜே பாலாஜி நடித்துவருகிறார்.

இந்த நிலையில் தனது மனைவியின் பிறந்த நாளை முன்னிட்டு இன்ஸ்டாகிராமில் 20 வருடங்களுக்கு முன் மனைவியுடன் எடுத்துக்கொண்ட படத்தை பகிர்ந்துள்ளார். அவரது பதிவில், 2003 முதல் 2030 வரை 20 வருடங்களாகிவிட்டது. நாம் இருவரும் பல தூரங்கள் கடந்துவந்தாலும் அதே பதின்வயதினராகவே இளமையோடு இன்னமும் இருக்கிறோம் என்பதை பெருமையாக சொல்கிறேன்.

என்னுடன் வாழ்க்கையை பகிர்ந்துகொண்டமைக்கு நன்றி. என்னை விட்டு விலகாமல் இருந்ததற்கு நன்றி. எனக்கு 2வது, 3வது, 76வது, 473வது என தொடர்ச்சியாக வாய்ப்பளித்தமைக்கு நன்றி. என்னுடைய சிறந்த நண்பராக, பைத்தியக்காரத்தனமான காதலியாக, கண்டிப்பான மனைவியாக, சிறப்பான அம்மாவாக இருப்பதற்கு நன்றி என்று குறிப்பிட்டுள்ளார்.