நான் நடிப்பதை விடவேண்டுமா? மனம் உடைந்து பேசிய ராஷ்மிகா!

நான் நடிப்பதை விடவேண்டுமா? என்னதான் செய்யவேண்டும் என்று மனம் உடைந்து நடிகை ராஷ்மிகா பேசிய வீடியோ இணையத்தில் வைரலாகி வருகின்றது.

தெலுங்கில் முன்னனி நடிகையாக வலம் வரும் ராஷ்மிகா மந்தனா தமிழில் கார்த்தியின் சுல்தான் படத்தில் அவருக்கு ஜோடியாக அறிமுகமானார்.

விஜய்யுடன் அவர் நீண்ட காலமாக நடிக்க வேண்டும் என்ற ஆசை ‘வாரிசு’ படத்தின் மூலம் நிறைவேறி உள்ளது. பொங்கல் பண்டிகையை முன்னிட்டு வெளியான வாரிசு படமும் குடும்பங்கள் கொண்டாடும் வெற்றிப்படமாக அமைந்தது.

இதனை தொடர்ந்து சமீபத்தில் பாலிவுட்டில் இவரது நடிப்பில் மிஷன் மஞ்சு என்ற படமும் வெளியாகி வரவேற்பை பெற்று வருகிறது.

இப்படி ஒருபுறம் பிஸியாக நடித்துக் கொண்டிருந்தாலும் அவரைப் பற்றிய பல வதந்திகளும், பல விமர்சனங்களும் சமூகவலைதளங்களில் பரவி வருகின்றன.

அடுத்தடுத்து ராஷ்மிகாவை டார்கெட் செய்யும் விதமாக ட்ரோல்கள் வெளியானது. இது குறித்து ரஷ்மிகா மனம் திறந்து தன்னுடைய வேதனையை வெளிப்படுத்தியுள்ளார்.

தனக்கு எதிராக வெறுப்பான கருத்துகளும், வதந்திகளும் தன்னை மிகவும் மன ரீதியாகப் புண்படுத்துவதாக வருத்தம் தெரிவித்துள்ளார்.

நான் வொர்க்அவுட் செய்தால் ஆண் போல இருப்பதாக சொல்கிறார்கள், வொர்க்அவுட் செய்யாவிட்டால் குண்டாக இருப்பதாக சொல்கிறார்கள்.

நான் அதிகமாக பேசினால் கிரிஞ்ச் என்று சொல்கிறார்கள், பேசவில்லை என்றால் திமிராக இருப்பதாக சொல்கிறார்கள்.

நான் மூச்சு விட்டாலும் அவர்களுக்கு பிரச்சனை நான் மூச்சு விடவில்லையென்றாலும் அவர்களுக்கு, நான் என்னதான் செய்வது? நான் சினிமா விலக வேண்டுமா? இருக்க வேண்டுமா? என்று மனம் உடைந்து ராஷ்மிகா பேசிய வீடியோ இணையத்தில் வைரலாகி வருகின்றது.