''தினமும் வீட்டு பணியாளர்களின் பாதங்களை தொட்டு வணங்குவேன்''- காரணம் சொன்ன ராஷ்மிகா மந்தனா!

தினமும் நான் என் வீட்டு வேலைக்காரர்களின் பாதங்களை தொட்டு வணங்குகிறேன் என நடிகை ராஷ்மிகா மந்தனா தெரிவித்துள்ளார்.

தென்னிந்திய சினிமாவில் முன்னணி நடிகையாக திகழ்பவர் நடிகை ராஷ்மிகா மந்தனா.

சமீபத்தில் நடிகர் விஜய்யின் வாரிசு படத்தில் நடித்திருந்தார்.

சமீபத்தில் ஒரு நேர்க்காணலில் தனக்கு மகிழ்ச்சி தரும் விஷயங்களைப் பற்றி வெளிப்படையாகப் பேசினார் ராஷ்மிகா.

'சின்ன விஷயங்கள் எனக்கு முக்கியம். நான் தினமும் எழுந்ததும், செல்லப்பிராணிகளுடன் நேரத்தை செலவிடுகிறேன், என் நண்பர்களை சந்திக்கிறேன். அது எனக்கு மகிழ்ச்சி அளிக்கிறது.

வார்த்தைகள் மிகவும் சக்தி வாய்ந்தவை, அவை ஒரு நபரை உருவாக்கலாம் அல்லது உடைக்கலாம். அதனால் தான் யாராவது ஏதாவது சொன்னால், அதை நான் முக்கியமானதாக எடுத்துக் கொள்கிறேன்.

எனது டைரியில் சின்ன சின்ன விஷயங்களை பதிவு செய்வதை வழக்கமாக வைத்திருக்கிறேன். வேலை முடிந்து வீடு திரும்பியதும், மரியாதை தரும் விதமாக அனைவரின் பாதங்களையும் தொட்டு வணங்குகிறேன். அதில் வேறுபாடு காட்டக்கூடாது என்பதற்காக என் வீட்டு உதவியாளர்களின் பாதங்களையும் தொடுகிறேன்.

நான் அனைவரையும் மதிக்கிறேன். நான் யார் என்பது இதுதான்’ எனத் தெரிவித்துள்ளார்.