ரன்வீர் சிங், ராஜமௌலி கலந்து கொண்ட ஷங்கர், ராம் சரண் படத்தின் பூஜை!

ஷங்கர் இயக்கத்தில் ராம் சரண் நடிக்கும் படத்தின் பூஜை இன்று ஹைதராபாத்தில் நடந்தது.

ரன்வீர் சிங், சிரஞ்சீவி, ராஜமௌலி ஆகியோர் சிறப்பு அழைப்பாளர்களாக கலந்து கொண்டனர்.

முன்னதாக நேற்று படத்தின் போட்டோஷுட் நடத்தப்பட்டது.

அன்னபூர்ணா ஸ்டுடியோவில் இதனை ஷங்கர் நடத்தினார்.

போட்டோஷுட்டில் ராம் சரண் கலந்து கொண்டார்.

விதவிதமான கெட்டப் மற்றும் காஸ்ட்யூமில் அவரது புகைப்படங்கள் எடுக்கப்பட்டன.

ராம் சரண், படத்தின் நாயகி கியாரா அத்வானி, ஷங்கர் உள்ளிட்டவர்கள் கோட் அணிந்து நடந்து வருவது போன்ற போஸ்டர், படத்தின் அழைப்பிதழாக வடிவமைக்கப்பட்டிருந்தது.

படத்தின் பூஜையில் இந்தி நடிகர் ரன்வீர் சிங், இயக்குனர் ராஜமௌலி, ராம் சரணின் தந்தை சிரஞ்சீவி ஆகியோர் சிறப்பு அழைப்பாளர்களாக கலந்து கொண்டனர்.

படத்தின் தயாரிப்பாளர் உள்ளிட்ட படக்குழுவினர் இந்த பூஜையில் கலந்து கொண்டனர்.

ஷங்கரின் இந்தப் படத்துக்கு தமன் இசையமைக்கிறார். அஞ்சலி முக்கிய வேடத்தில் நடிக்கிறார்.  திரு படத்துக்கு ஒளிப்பதிவு செய்கிறார்.

மிகுந்த பொருட் செலவில் இந்தப் படத்தை தில் ராஜு தயாரிக்கிறார்.  இது அவரது தயாரிப்பில் ஒருவாகும் 50 வது படமாகும்.

படத்தின் பூஜை முடிந்ததும், ராம் சரண் நடிக்க, சிரஞ்சீவி கிளாப் அடிக்க, ஷங்கர் ஆக்ஷன் சொல்ல முதல் காட்சி சம்பிரதாயமாக படம்பிடிக்கப்பட்டது.