சூப்பர் ஸ்டார்கள் மோதிக் கொண்ட இந்தத் திரைப்படம் எது தெரியுமா?

ரஜினிகாந்த், சிரஞ்சீவி, ரஜினிகாந்த் படங்கள், சிரஞ்சீவி படங்கள்" width="678" height="430" /> ரஜினியும், சிரஞ்சீவியும் ஒரே நேரத்தில் திரைப்படக் கல்லூரியில் பயின்றவர்கள். ஒரே காலகட்டத்தில் நடிப்பு வாய்ப்புக்காக கம்பெனி கம்பெனியாக ஏறி இறங்கியவர்கள். இவர்கள் காம்பினேஷனில் 1980 இல் காளி திரைப்படம் வெளியானது.

காளி பலவகைகளில் முக்கியமான படம். மலையாளப் படங்கள் இயக்கி வந்த ஐ.வி.சசி காளியை இயக்கினார். இதற்கு இரண்டு வருடங்கள் முன்புதான் அவர் கமல், ஷீலா, சீமா நடிப்பில் ஈட்டா என்ற படத்தை இயக்கியிருந்தார். கவர்ச்சியும், காமமும், உணர்ச்சியும் கொந்தளிக்கும் ஈட்டா இன்றும் மலையாளத்தில் பேசப்படும் படங்களுள் ஒன்று. அதுபோன்ற உணர்ச்சிகரமான கதையை ஐ.வி.சசி தமிழில் எடுப்பார் என்று எண்ணினர். காளியின் திரைக்கதையை இயக்குனர் மகேந்திரன் எழுதினார்.

காளி ஒரு வழக்கமான பழிவாங்கும் திரைப்படம். ரஜினிக்கு தனது அக்கா வெண்ணிறாடை நிர்மலாவின் குழந்தைகள் என்றால் உயிர். வெண்ணிறாடை நிர்மலாவின் கணவர் மில் தொழிலாளி. கூலி உயர்வு கேட்டு போராடியதால் அதன் உரிமையாளர் சத்யநாராயணாவின் (பஞ்சதந்திரத்தில் ஸ்ரீமனின் மாமாவாக, சின்ன கல்லு பெத்த லாபம் என்று டயலாக் பேசுவாரே, அவர்தான்) ஆள்கள் இரு குழந்தைகளையும் அவமானப்படுத்த ரஜினி அவர்களை அடித்து உதைப்பார். அதில் ஒருவன் இறந்துவிட ரஜினிஜெயிலுக்குப் போவார். இதனிடையில் சத்யநாராயணா அந்த குழந்தைகளை கொன்றுவிடுவார். சிறையிலிருந்து திரும்பும் ரஜினி சத்யநாராயணாவை பழிவாங்குவதுதான் காளி படத்தின் கதை.

சிறையிலிருந்து திரும்பும் ரஜினி கிளப் ஒன்றில் எதிர்பாராதவிதமாக விஜயகுமாருடன் மோத நேரிடும். அதில் தோற்றுவிடும் விஜயகுமார் மீண்டும் சண்டையை தொடர, ரஜினியின் இருப்பிடத்தக்கு வருவார். அப்போது ரஜினியை கொலை செய்ய ஆள்கள்வர, அவர்களுடன் சண்டையிட்டு தூங்கிக் கொண்டிருக்கும் ரஜினியை காப்பாற்றுவார். அதன் பிறகு இருவரும் நட்பாவார்கள்.

ஐ.வி.சசி காளியை ஒரே நேரத்தில் தமிழ், தெலுங்கில் இயக்கினார். தமிழில்; விஜயகுமார் நடித்த கதாபாத்திரத்தை தெலுங்கில் சிரஞ்சீவி செய்தார். விஜயகுமார், மேஜர் சுந்தர்ராஜன் போன்ற ஒருசில நடிகர்கள் தவிர்த்து மற்ற அனைவரும் இரு மொழிகளிலும் ஒரே வேடத்தை செய்தனர்.

தமிழில் விஜயகுமாருக்கு ஜோடியாக வரும் படாபட் ஜெயலட்சுமிதான் தெலுங்கில் சிரஞ்சீவிக்கு ஜோடி. சீமாவுக்கு இதில் இரட்டை வேடம். ஒன்று அடக்கமான சேலை கட்டிய பெண். இன்னொன்று மாடர்ன் உடையில் மோட்டார் சைக்கிளில் சுற்றிக் கொண்டு கிளப்பில் நடனமாடும் நவநாகரிக பெண்.

படத்தின் கதை ரசிகர்களை கவரவில்லை. யார் வில்லன் என்று தெரிந்த பிறகும் பழிவாங்கலை இழுத்துக் கொண்டு சென்றதும், எந்தத் திருப்பங்களும் இல்லாத திரைக்கதையும், இரண்டு சீமாவும் ஒரே தாய்க்கு பிறந்தவர்கள் என்ற வழவழா ட்விஸ்டும் ரசிகர்களை ரொம்பவே சோதித்தது. அதிகம் எதிர்பார்த்த சண்டைக் காட்சிகளும் எடுபடவில்லை.

காளி 1980 ஜுலை வெளியானது. சென்னையில் மட்டும் தட்டுத்தடுமாறி ஐம்பது நாள்களை பூர்த்தி செய்து, தோல்வியை தழுவியது.

தெலுங்கிலும் கிட்டத்தட்ட இதுதான் நிலை. இதற்கு அடுத்த வருடமே ரஜினியையும், சிரஞ்சீவியையும் வைத்து ராணுவ வீரன் படத்தை எஸ்.பி.முத்துராமன் இயக்கினார்.

காளியில் இருவரும் நண்பர்கள் போல இதிலும் இருவரும் படிக்கிற காலத்தில் நண்பர்கள்.

காளியில் இருவரும் நண்பர்கள் போல இதிலும் இருவரும் படிக்கிற காலத்தில் நண்பர்கள். ஒரு காலகட்டத்துக்குப் பிறகு ரஜினி ராணுவ வீரனாகவும், சிரஞ்சீவி பயங்கர கொள்ளைக்காரராகவும் மாறியிருப்பார்கள். காளி போலவே இதிலும் இறுதியில் சிரஞ்சீவி இறந்து போவார்.

தமிழ், தெலுங்கின் சூப்பர் ஸ்டார்கள் இணைந்து நடித்த காளி போலவே ராணுவ வீரனும் தோல்வியடைந்தது.

காளியில் சிரஞ்சீவியின் அறிமுகத்தின் போது அவரும் ரஜினியும் மோதிக் கொள்ளும் காட்சிதான் இது. பொழுதுபோகாதவர்கள், ரஜினியின் தீவிர விசிறிகள் காளியை பார்க்கலாம். படம் யூடியூபிலும் உள்ளது.