பணத்துக்காக சொந்த குடும்பமே இப்படி பண்ணாங்க... பவர் ஸ்டார் ஸ்ரீநிவாசன் பகிர்ந்த அதிர்ச்சி சம்பவம்

லத்திகா படத்தின் மூலம் நடிகராக அறிமுகமானவர் ஸ்ரீசீனிவாசன். முதல் படத்திலேயே தனக்கு தானே பவர் ஸ்டார் என் பட்ட பெயர் சூட்டிக்கொண்டார். லத்திகா படத்தில் அவரது காட்சிகள் ரசிகர்களால் அதிகம் ட்ரோல் செய்யப்பட்டன.

அவரை பார்த்தாலே ரசிகர்கள் சிரிக்கிறார்கள் என்பதை உணர்ந்து கொண்ட சந்தானம் தனது கண்ணா லட்டு தின்ன ஆசையா படத்தில அவரை காமெடியனாக மாற்றினார்.

கண்ணா லட்டு தின்ன ஆசையா படத்தில் சந்தானம் - பவர் ஸ்டார் ஸ்ரீநிவாசனுக்கு இடையேயான காட்சிகள் ரசிகர்களைப் பெரிதும் கவர்ந்தன. இதனையடுத்து அவருக்கு பட வாய்ப்புகள் குவியத் துவங்கின.

இதன் ஒரு பகுதியாக ரசிகர்களுக்கிடையே பவர் ஸ்டாருக்கு இருக்கும் வரவேற்பை பார்த்து ஆச்சரியப்பட்ட இயக்குநர் ஷங்கர் தனது ஐ படத்தில் அவரை நடிக்க வைத்தார்.

பிக்கப் டிராப் என்ற படத்தில் வனிதா விஜயகுமாருடன் இணைந்து நடித்தார். அந்தப் படத்தில் நடித்துக்கொண்டிருக்கும்போது அவருக்கு திடீரென உடல் நலக் குறைவு ஏற்பட்டது. மருத்துவமனையில் அனுமதிக்கப்பட்டு உடல் நலம் தேறிய அவர் சமீபத்தில் யூடியூப் சேனலுக்கு பேட்டியளித்தார்.

அந்த பேட்டியை வனிதா விஜயகுமார் தொகுத்து வழங்கினார். அதில் மதுரையில் அக்கு பஞ்சர் டாக்டராக பணியாற்றிய ஸ்ரீநிவாசன், சென்னை வந்து ஒரு படத்துக்கு ஃபைனான்ஸ் செய்திருக்கிறார். பின்னர் தானே படத்தில் நடித்தால் என்ன என அவருக்கு தோன்றியிருக்கிறது. அந்த படம் தான் லத்திகா.

பணம் இருந்துபோது தன்னுடன் நிறைய பேர் இருந்ததாகவும் இதனால் மகிழ்ச்சியில் இருந்ததாகவும் பணம் போன பின் யாரும் வரவில்லை என்றும் வருத்தத்துடன் பதிவு செய்திருக்கிறார்.

மேலும் படம்குறித்து பேசலாம் என ஒரு கும்பல் அவரை கடத்தியிருக்கிறார்கள். பின்னர் தான் அவருக்கு தெரிந்திருக்கிறது தன்னை கடத்தியவர்கள் தன் உறவினர்கள் என்று. இந்தப் பேட்டி சமூக வலைதளங்களில் வைரலாகிவருகிறது.