பொங்கலுக்கு திரையரங்கில் வெளியாகும் தமிழ் படங்கள்!

1. நாய் சேகர்
நகைச்சுவை நடிகர் சதீஷ் நடிப்பில் ஏஜிஎஸ் என்டர்டெயின்மெண்ட் தயாரித்திருக்கும் காமெடிப் படமான நாய் சேகர் பொங்கலை முன்னிட்டு 13 ஆம் தேதி வெளியாகிறது.

2. கொம்பு வச்ச சிங்கம்டா
எஸ்.ஆர்.பிரபாகரன் இயக்கத்தில் சசிகுமார், சூரி நடித்திருக்கும் கொம்பு வச்ச சிங்கம்டா திரைப்படம் 13 ஆம் தேதி வெளியாகிறது.

3. என்ன சொல்ல போகிறாய்
பலமுறை வெளியீடு தள்ளிப்போன என்ன சொல்ல போகிறாய் படமும் பொங்கலை முன்னிட்டு வெளியாவதாக அறிவித்துள்ளனர். அஸ்வின் குமார், புகழ் நடித்துள்ள இந்தப் படத்தை டிரைடன்ட் ஆர்ட்ஸ் தயாரித்துள்ளது.

4. கார்பன்
விதார்த்தின் 25 வது படமாக தயாராகியிருக்கும் கார்பன் பொங்கல் வெளியீடாக வருகிறது. ஸ்ரீனிவாசன் இயக்கியிருக்கும் இந்தப் படத்துக்கு சாம் சிஎஸ் இசையமைத்துள்ளார்.

5. ஏஜிபி
லக்ஷ்மி மேனன் நடிப்பில் ரமேஷ் சுப்பிரமணியன் எழுதி இயக்கியிருக்கும் படம் ஏஜிபி. சைக்கலாஜிகல் த்hpல்லர் படமான இதுவும் பொங்கலுக்கு வெளியாகிறது.

6. மருத
பிக் வே பிக்சர்ஸ் தயாரிப்பில் இளையராஜா இசையில் தயாராகியிருக்கும் கிராமத்து திரைப்படம் மருத. ராதிகா பிரதான வேடத்தில் நடித்திருக்கும் இந்தப் படத்தையும் பொங்கலுக்கு வெளியிடுகின்றனர்.
இந்தப் பட்டியலில் உள்ள சில படங்கள் கடைசி நேரத்தில் விலகிக் கொள்ளவும், சில புதிய படங்கள் பொங்கல் ரேஸில் கலந்து கொள்ளவும் வாய்ப்புள்ளது.