’மருந்து வாங்க பணம் இல்லை.. துரத்தும் வறுமை’ - பிதாமகன் தயாரிப்பாளரின் பரிதாப நிலை

பிதாமகன் தயாரிப்பாளர் வி.ஏ.துரை மருந்து வாங்கக் கூட காசில்லாமல், வறுமையோடு போராடிக் கொண்டிருக்கிறார்.

எவர் கிரீன் மூவி இண்டர்நேஷனல் என்ற தயாரிப்பு மற்றும் விநியோக நிறுவனத்தை நடத்தியவர் தயாரிப்பாளர் வி.ஏ.துரை.

என்னம்மா கண்ணு, லூட்டி, லவ்லி, விவரமான ஆளு, பிதாமகன், கஜேந்திரா, நாய் குட்டி, காகித கப்பல் ஆகியப் படங்களை தயாரித்துள்ளார்.

இதில் பிதாமகன் படம் சிறந்த நடிகருக்கான தேசிய விருதை வென்றதோடு, 3 தமிழ்நாடு மாநில விருதுகளையும், 6 ஃபிலிம்பேர் விருதுகளையும் வென்ரூ கவனம் ஈர்த்தது.

இதற்கிடையே வி.ஏ.துரை தயாரித்த சில படங்கள் நஷ்டத்தை ஏற்படுத்தியதால், தான் சம்பாதித்த பணத்தை அதில் இழந்துள்ளார்.

தற்போது சர்க்கரை நோயால் பாதிக்கப்பட்டு, கால்களில் ஏற்பட்டுள்ள புண்கள் கொஞ்சம் கொஞ்சமாக அரித்து வருவதாகவும், கவனித்துக் கொள்ள யாரும் இல்லாததால் தனியே மிகுந்த கஷ்டத்துக்கு ஆளாகியிருப்பதாகவும் வீடியோ ஒன்றில் தெரிவித்துள்ளார் துரை.

அதோடு மருந்து வாங்கக் கூட காசில்லாமல் வறுமையில் வாடும் தனக்கு யாராவது உதவி செய்ய வேண்டும் என வேண்டுகோள் விடுத்துள்ளார். 

வி.ஏ.துரையின் தற்போதைய நிலை, திரைத்துரையினரையும், ரசிகர்களையும் அதிர்ச்சியில் ஆழ்த்தியுள்ளது.