பொன்னியின் செல்வனில் சிறுவயது குந்தவை, இந்த சீரியல் நடிகையின் மகளா?- வைரலாகும் போட்டோஸ்

இயக்குநர் மணிரத்னம் இயக்கத்தில் விக்ரம், ஜெயம் ரவி, கார்த்தி, திரிஷா உள்ளிட்டோர் நடிப்பில் கடந்த ஏப்ரல் 28 ஆம் தேதி வெளியான பொன்னியின் செல்வன் 2 படம் கலவையான விமர்சனங்களைப் பெற்றுவருகிறது.

இருப்பினும் இந்தப் படம் உலக அளவில் ரூ.200 கோடி வசூலித்துவிட்டதாக கூறப்படுகிறது.

மேலும் தமிழ்நாட்டில் மட்டும் நான்கு நாட்களில் ரூ.71 கோடி வசூல் செய்துள்ளதாக கூறப்படுகிறது.

பொன்னியின் செல்வன் முதல் பாகம் தமிழ் நாட்டில் முதல் நான்கு நாட்களில் ரூ.125 கோடி வசூல் செய்திருந்தது குறிப்பிடத்தக்கது.

ஆதித்த கரிகாலனாக விக்ரம், அருண்மொழி வர்மனாக ஜெயம் ரவி, வந்தியத் தேவனாக கார்த்தி, நந்தினியாக ஐஸ்வர்யா ராய், குந்தவையாக திரிஷா என இந்தப் படத்தின் கதாப்பாத்திரங்கள் ரசிகர்களைப் பெரிதும் கவர்ந்தனர்.

இந்தப் படத்தில் நந்தினியின் சிறுவயது கதாப்பாத்திரத்தில் தெய்வத்திருமகள் சாரா நடித்திருந்தார்.

இதே போல சிறுவயது குந்தவையாக நடித்தது யார் என ரசிகர்கள் கேள்வி எழுப்பி வருகின்றனர்.

இந்த நிலையில், நடிகர் கவிதா பாரதி - சீரியல் நடிகை கன்யா பாரதியின் மகள் என தகவல் வெளியாகியுள்ளது.