லண்டனில் பொன்னியின் செல்வன் நடிகையுடன் நாக சைதன்யா - வைரலாகும் புகைப்படம்..!

நடிகர் நாக சைதன்யா தற்போது வெங்கட் பிரபு இயக்கத்தில் தமிழ், தெலுங்கில் உருவாகிவரும் கஸ்டடி படத்தில் நடித்துவருகிறார். இந்தப் படத்துக்கு இளையராஜா - யுவன் ஷங்கர் ராஜா இணைந்து இசையமைத்து வருகின்றனர். இந்தப் படத்தின் டீசர் சமீபத்தில் வெளியாகி படத்தின் மீதான எதிர்பார்ப்பை அதிகரித்துள்ளது.

கடந்த 2017 ஆம் ஆண்டு நடிகை சமந்தாவை காதல் திருமணம் செய்துகொண்டிருந்தார் நாக சைதன்யா. பின்னர் கருத்து வேறுபாடு காரணமாக இருவரும் பிரிந்தனர்.

இருவரது பிரிவுக்கும் பல்வேறு காரணங்கள் கூறப்பட்டாலும் இருவருமே விவாகரத்து குறித்து வெளிப்படையாக பேசவில்லை.

விவாகரத்து சர்ச்சையில் இருந்து விலகி இருவரும் திரைப்படங்களில் நடித்துவருகின்றனர்.

இந்த நிலையில் பொன்னியின் செல்வன் படத்தில் வானதியாக நடித்துள்ள நடிகை ஷோபிதாவை நாக சைதன்யா காதலித்துவருவதாகவும் இருவரும் அடிக்கடி சந்தித்துக்கொள்வதாகவும் கூறப்படுகிறது.

இந்த நிலையில் கடந்த பிப்ரவரியில் லண்டனுக்கு சுற்றுலா சென்றிருந்த நாக சைதன்யா, அங்கு ஒரு ஹோட்டலில் செஃப் ஒருவருடன் போட்டோ எடுத்துக்கொண்டிருக்கிறார். இதனை அந்த செஃப் தனது இன்ஸ்டாகிராம் பக்கத்தில் பகிர்ந்திருக்கிறார்.

தற்போது அதனை டீகோட் செய்த ரசிகர்கள் இருவரது பின்னணியில் ஷோபிதா அமர்ந்திருப்பதை கண்டுபிடித்து பகிர்ந்துவருகின்றனர்.