காதலர் தினத்தில் ரொமாண்டிக் படங்களை வெளியிட்ட பாவனி - அமீர்!

சின்னத்திரை நட்சத்திரங்கள் பாவ்னி ரெட்டி - அமீர் ஜோடி காதலர் தின படங்களை வெளியிட்டுள்ளனர்.

விஜய் டிவி-யில் ஒளிபரப்பாகிய சின்னத்தம்பி என்ற சீரியலில் நடித்து, ரசிகர்கள் மத்தியில் பெரும் வரவேற்பைப் பெற்றவர் நடிகை பாவனி ரெட்டி.

இவர் கமல் ஹாசன் தொகுத்து வழங்கிய பிக் பாஸ் நிகழ்ச்சியில் கலந்துக் கொண்டு, சின்னத்திரை ரசிகர்களிடம் இன்னும் பிரபலமானார். பாவனி கலந்துக் கொண்ட பிக் பாஸ் 5-ம் சீசனில் 3-வது இடத்தைப் பிடித்தார்.

காதல் திருமணம் செய்து, தனது கணவர் தற்கொலை செய்துக் கொண்ட கதையை உருக்கமாக பாவனி சொல்லும் போதே, பார்வையாளர்களின் மனதை வென்றார். பின்னர் வைல்ட் கார்டு எண்ட்ரி மூலம், பிக் பாஸ் நிகழ்ச்சியில் நுழைந்த அமீர், பாவனியிடம் நெருக்கம் காட்டினார்.

அவர்களின் நெருக்கத்தை பார்த்த போட்டியாளர்களும், ரசிகர்களும் அமீர் - பாவனி இருவரும் காதலிப்பதாக சொல்லி வந்தனர்.

ஆனால் அமீரின் காதலை ஏற்காமல் இருந்தால் பாவனி.

பின்னர் பிக் பாஸ் ஜோடிகள் நிகழ்ச்சியில் டைட்டிலை வென்றதையடுத்து அமீர் மீதான காதலை உறுதிப்படுத்தினார்.

இந்நிலையில் தற்போது காதலர் தினத்தை முன்னிட்டு தங்கள் புகைப்படங்களை வெளியிட்டுள்ளனர் பாவனி - அமீர் ஜோடி.