எனக்கு கிடைச்ச மாதிரி ஒரு பொண்ணு... 4 வயது மூத்த சீரியல் நடிகையுடன் திருமணம் - பதிலடி கொடுத்த பசங்க கிஷோர்

பசங்க படத்தில் அன்புக்கரசு என்ற குழந்தை நட்சத்திரமாக நடித்து பிரபலமானவர் நடிகர் கிஷோர்.

அந்தப் படத்துக்காக தேசிய விருது மற்றும் தமிழ்நாடு மாநில விருது உள்ளிட்டவற்றை பெற்றார்.

சில மாதங்களுக்கு முன்பு சீரியல் நடிகை ப்ரீத்தி குமாரை தான் காதலிப்பதாக கிஷோர் தனது இன்ஸ்டகிராமில் பதிவிட்டிருந்தார்.

விஜய் டிவியின் சூப்பர்ஹிட் தொடரான ஆபீஸ் தொடரின் மூலம் நடிகையாக அறிமுகமான ப்ரீத்தி, தனது நடிப்பால் ரசிகர்களின் கவனம் ஈர்த்தார்.

இதனை தொடர்ந்து லட்சுமி கல்யாணம், வள்ளி, பிரியமானவள், கேளடி கண்மணி, தெய்வம் தந்த வீடு, லட்சுமி வந்தாச்சு, கோபுரங்கள் சாய்வதில்லை, வானத்தைப் போல உள்ளிட்ட சூப்பர்ஹிட் தொடர்களில் ப்ரீத்தி நடித்தார். தற்போது ஜீ தமிழ் டிவி-யில் ஒளிபரப்பாகி வரும் நினைத்தாலே இனிக்கும் சீரியலில் நடித்து வருகிறார்.

இந்நிலையில் கிஷோருக்கும் ப்ரீத்தி குமாருக்கும் சமீபத்தில் திருமணம் நடந்தது. இருவரது திருமண புகைப்படங்களும் சமூக வலைதளங்களில் வைரலானது.

கிஷோரை விட ப்ரீத்தி நான்கு வயது பெரியவர் என்பதால் இருவரது திருமணம் தொடர்பாக விமர்சனங்கள் எழுந்தன.

இதுகுறித்து பேசிய கிஷோர் வயது வெறும் நம்பர் தான். வயதை வைத்து பேசுபவர்களுக்கெல்லாம் நான் ஒன்று மட்டும் சொல்லிக்கொள்கிறேன். எனக்கு கிடைத்த பெண்போல் உங்களுக்கும் கிடைத்தால் நிச்சயமாக இப்படி பேச மாட்டீர்கள். எங்கள் இருவருக்கும் பிடித்திருக்கிறது. வீட்டிலும் பிரச்னை இல்லை. இப்போது திருமணம் செய்துகொண்டோம். இதில் யாருக்கு என்ன பிரச்னை என கேள்வி எழுப்பியுள்ளார்.