சீரியல் நடிகையை கரம் பிடித்த பசங்க பட ஹீரோ! கல்யாண போட்டோஸ்!

பசங்க பட நடிகர் கிஷோருக்கும், சீரியல் நடிகை ப்ரீத்தி குமாருக்கும் இன்று திருமணம் நடந்துள்ளது.

பசங்க படத்தின் மூலம் அன்புக்கரசு என்ற கதாபாத்திரத்தில் நடித்து பிரபலமானவர் நடிகர் கிஷோர்.

அந்தப் படத்துக்காக தேசிய விருது மற்றும் தமிழ்நாடு மாநில விருது உள்ளிட்டவற்றை பெற்றார்.

சில மாதங்களுக்கு முன்பு சீரியல் நடிகை ப்ரீத்தி குமாரை தான் காதலிப்பதாக இன்ஸ்டகிராமில் பதிவிட்டிருந்தார்.

விஜய் டிவியின் சூப்பர்ஹிட் தொடரான ஆபீஸ் தொடரின் மூலம் நடிகையாக அறிமுகமான ப்ரீத்தி, தனது நடிப்பால் ரசிகர்களின் கவனம் ஈர்த்தார்.

இதனை தொடர்ந்து லட்சுமி கல்யாணம், வள்ளி, பிரியமானவள், கேளடி கண்மணி, தெய்வம் தந்த வீடு, லட்சுமி வந்தாச்சு, கோபுரங்கள் சாய்வதில்லை, வானத்தைப் போல உள்ளிட்ட சூப்பர்ஹிட் தொடர்களில் நடித்தார். தற்போது ஜீ தமிழ் டிவி-யில் ஒளிபரப்பாகி வரும் நினைத்தாலே இனிக்கும் சீரியலில் நடித்து வருகிறார்.

இந்நிலையில் இன்று கிஷோர் - ப்ரீத்தி குமார் திருமணம் நடந்தது.

இதையடுத்து அவர்களுக்கு வாழ்த்துகள் குவிந்து வருகின்றன.