ரஜினியின் பொங்கல் வெற்றிக்கு கை கொடுத்த பிறமொழிப் படங்கள்

ரஜினியின் தர்பார் 2022 பொங்கலை முன்னிட்டு ஜனவரி 9 ஆம் தேதியும், பேட்ட 2021 ஜனவரி 10 ஆம் தேதியும் வெளியாகி வெற்றி பெற்றன. இவ்விரு படங்கள் தவிர ரஜினியின் சினிமா சரித்திரத்தில் 9 படங்கள் பொங்கலுக்கு வெளியாகியுள்ளன.

1. குப்பத்து ராஜா (12-01-1979): டி.ஆர்.ராமண்ணா இயக்கிய குப்பத்து ராஜா படம் டு யார்? இந்திப் படத்தின் தமிழ் தழுவல். இருந்தும் படம் ஓடவில்லை. இதனுடன் வெளியான கமலின் நீயா? படம் 100 நாள்களுக்கு மேல் ஓடி வெற்றி பெற்றது.

2. போக்கிரி ராஜா(14-01-1982): ராணுவ வீரன் பிளாப்பைத் தொடர்ந்து ஏவிஎம் ரஜினியை வைத்து, எஸ்.பி.முத்துராமன் இயக்கத்தில் போக்கிரி ராஜாவை எடுத்தது. படம் 100 நாள்களுக்கு மேல் ஓடி வெற்றி பெற்றது. இது தெலுங்கில் சூப்பர் ஹிட்டான சுட்டலுன்னாரு ஜாக்ரதா படத்தின் தழுவல்.

3. பாயும் புலி (14-01-1983): 1982 பொங்கலைத் தொடர்ந்து 1983 லும் ஏவிஎம் எஸ்.பி.முத்துராமன், ரஜினி காம்பினேஷனில் பாயும் புலியை எடுத்து வெளியிட்டது. தி தர்ட்டி சிக்ஸ்ம் சேம்பர் ஆஃப் ஷாவோலின் இன்ஸ்பிரேஷனில் இதனை எடுத்தனர். படம் 100 நாள் ஓடி வெற்றி பெற்றது.

4. நான் மகான் அல்ல (14-01-1984): பாலசந்தரின் கவிதாலயா எஸ்.பி.முத்துராமன், ரஜினி காம்பினேஷனில் எடுத்த நான் மகான் அல்ல 1984 பொங்கலுக்கு வெளியாகி 100 நாள்கள் ஓடி வெற்றி பெற்றது. இது இந்தி ஹிட் படம் விஸ்வநாத்தின் தமிழ் தழுவல்.

5. மிஸ்டர் பாரத் (10-01-1986): மறுபடியும் ஏவிஎம் எஸ்.பி.முத்துராமன், ரஜினி காம்பினேஷனில் மிஸ்டர் பாரத்தை எடுத்து வெளியிட்டது. படம் ஹிட். இது இந்தியில் சூப்பர் ஹிட்டான த்ரிசூல் படத்தின் தமிழ் தழுவல்.

6. பணக்காரன் (14-01-1990): சத்யா மூவிஸ் பி.வாசு இயக்கத்தில் ரஜினியை வைத்து எடுத்த பணக்காரன் 175 நாள்கள் ஓடி வெற்றி பெற்றது. இது லாவரிஷ் இந்தி சூப்பர்ஹிட் படத்தின் தமிழ் தழுவல்.

7. தர்மதுரை (14-01-1991): ராஜசேகர் இயக்கத்தில் ரஜினி, கௌதமி நடித்த தர்மதுரை அடுத்தப் பொங்கருக்கு வெளியாகி 175 நாள்கள் ஓடி ஹிட்டானது. இந்தப் படம் விஷ்ணுவர்தனின் கன்னட எவர்கிரீன் ஹிட் படம் தேவாவின் தமிழ் ரீமேக்.

8. மன்னன் (14-01-1992): தொடர்ந்து மூன்றாவது பொங்கலாக பி.வாசு இயக்கத்தில் ரஜினி நடித்த மன்னன் வெளியாகி 175 நாள்கள் ஓடி வெள்ளிவிழா கண்டது. இந்தப் படம் ராஜ்குமாரின் சூப்பர்ஹிட் கன்னடப்படம் அனுராக அலரிதுவின் தமிழ் தழுவல்.

9. பாட்ஷா (12-01-1995): சுரேஷ் கிருஷ்ணா இயக்கத்தில் ரஜினி நடித்த பாட்ஷா அதுவரையான பாக்ஸ் ஆபிஸ் சாதனைகளை முறியடித்து இன்டஸ்ட்ரி ஹிட்டானது.

பேட்ட, தர்பாருக்கு முன் பொங்கலுக்கு வெளியான ரஜினியின் 9 படங்களில் எட்டுப் படங்கள் வெற்றி பெற்றன. இவற்றில் எட்டு படங்கள் தெலுங்கு, கன்னட, இந்தி மற்றும் ஆங்கிலப் படங்களின் தழுவல்கள். ஒரு மொழியில் வெற்றி பெற்ற படத்தை ரீமேக் செய்கையில் வெற்றி சதவீதம் அதிகம் என்பதற்கு இந்த புள்ளி விவரமே சான்று.