முதல் ட்ரிப்.. நஸ்ரியா- பஹத் ஜோடியில் லேட்டஸ்ட் புகைப்படங்கள்..!

தமிழ் மற்றும் மலையாளம் ஆகிய இரண்டு மொழிகளிலும் பெரும் ரசிகர் பட்டாளத்தை பெற்றவர் நஸ்ரியா. தமிழில் குறைந்த எண்ணிக்கையிலான படங்களில் மட்டுமே நடித்திருந்தாலும் அவருக்கான ரசிகர்கள் கூட்டம் அதிகம் என்று தான் கூற வேண்டும்.

குழந்தை நட்சத்திரமாக நடித்து ஏற்கனவே கேரளா முழுவதும் அறியப்பட்ட இவர் தமிழில் நேரம், ராஜா ராணி, நய்யாண்டி, வாயை மூடி பேசவும், திருமணம் என்னும் நிக்காஹ் ஆகிய படங்களில் நடித்துள்ளார்.

நடிகை நஸ்ரியா தனது 19வது வயதில் நடிகர் பஹத் பாசிலைதிருமணம் செய்துகொண்டார். இவர்களின் திருமணம் அவரது ரசிகர்களுக்கு அதிர்ச்சியாக அமைந்தது. பலராலும் இந்த திருமணம் பரவலாக பேசப்பட்டது.

திருமணத்திற்குப் பின்னர் சினிமாக்களில் நடிக்காமல் இருந்த நஸ்ரியா, சில ஆண்டுகளுக்கு முன் மலையாள படங்களில் நடிக்க துவங்கினார். இதில் பகத் பாசில் கூட நடித்த ட்ரான்ஸ் படம் இவருக்கு நல்ல பெயரை பெற்றுத்தந்தது. சமீபத்தில் இந்த படம் நிலை மறந்தவன் என்ற பெயரில் தமிழில் வெளி வந்தது. அண்மையில் நானியுடன் அடடே சுந்தரா (Ante Sundaraniki) படத்தில் நடித்து ரசிகர்களை கவர்ந்தார்.

சமூக வலைதளங்களில் ஆக்டிவாக இருக்கும் நஸ்ரியா, அவ்வப்போது போட்டோஷூட் புகைப்படங்கள், குடும்பத்தினர், நண்பர்கள் உடன் இருக்கும் புகைப்படங்கள், கணவர் பகத்துடன் பயணம் செய்யும் புகைப்படங்களை பதிவேற்றுவார்.

இந்நிலையில் இன்று இன்ஸ்டாகிராம் பக்கத்தில் தனது கணவர் பஹத் பாசிலுடன் வடக்கு ஆப்பிரிக்காவில் உள்ள மொராக்கோ நாட்டில் சுற்றுப்பயணம் மேற்கொண்டு வரும் புகைப்படங்களை வெளியிட்டுள்ளார்.

மராகேஷ் நகரில் கணவர் பஹத் பாசிலுடன் உணவருந்தும் புகைப்படத்தை பகிர்ந்துள்ளார். இந்த புகைப்படம் அனைவராலும் பகிரப்பட்டு வருகிறது. "2023ல் இந்த பையனுடனான முதல் பதிவு" என்று அந்த புகைப்படத்திற்கு கேப்ஷன் போட்டுள்ளார். இது சமூக வலைத்தளங்களில் வைரலாகி வருகிறது.