இறைவனுக்கு நன்றி! நயன்தாராவை கரம்பிடித்த விக்னேஷ் சிவன் உருக்கமான பதிவு..

நடிகை நயன்தாரா - விக்னேஷ் திருமணம் மகாபலிபுரத்தில் உள்ள தனியார் ரிசார்ட்டில் காலை 10.30 மணிக்கு நடைப்பெற்றது.இந்த தம்பதியினருக்கு பிரபலங்கள் பலரும் வாழ்த்து தெரிவித்து வருகின்றனர்.

திருமணத்தில் பாலிவுட் நடிகர் ஷாரூக்கான், இயக்குனர் அட்லி மற்றும் கார்த்தி, சூர்யா ஆகியோர் பங்குப்பெற்று உள்ளனர்.

திருமணம் நடைபெறும் இடத்தில் பாதுகாப்புகளும் பலப்படுத்தப்பட்டுள்ளன.

நயன்தாராவை 6 வருடங்களுக்கு மேல் காதலித்து வந்த விக்னேஷ் சிவன் திருமணத்திற்கு முன்பு இன்ஸ்டாவில் நயன்தாராவின் புகைப்படங்களை பகிர்ந்து தன் மனதில் தோன்றுவதை பதிவிட்டுள்ளார்.

அதில் ‘கடவுளுக்கு நன்றி! ஒவ்வொரு நல்ல உள்ளமும், ஒவ்வொரு நல்ல தருணமும், ஒவ்வொரு நல்ல தற்செயல் நிகழ்வும், ஒவ்வொரு நல்ல ஆசீர்வாதமும்,படப்பிடிப்பில் ஒவ்வொரு நாளும், வாழ்க்கையை அழகாக்கிய ஒவ்வொரு பிரார்த்தனையும் ! நல்ல வெளிப்பாடுகள் மற்றும் பிரார்த்தனைகளுக்கு நான் கடமைப்பட்டிருக்கிறேன்!தற்போது இவை அனைத்தையும் நயன்தாராவுக்கு சமர்ப்பிக்கிறேன்.என் வாழ்க்கையின் புதிய தொடக்கத்தை தொடங்கவும் ஆவலாக காத்திருக்கிறேன்’ என்று பதிவிட்டிருந்தார்.

இன்று ஜூன் 9 ஆம் தேதி, அதை நயன்தாராவின் பெயரை குறிப்பிட்டு எழுதியும் போஸ்ட் செய்துள்ளார்.