நயன்தாராவுடன் விக்கி பதிவிட்ட முதல் புகைப்படம் இது தான்!

விக்னேஷ் சிவன் இயக்கத்தில் நானும் ரவுடி தான் என்ற படத்தில் விஜய் சேதுபதியுடன் இணைந்து நயன்தாரா நடித்தார். அந்த திரைப்படத்தில் பணியாற்றும் போது விக்கி, நயன் இருவருக்கும் காதல் மலர்ந்தது.

பிரபல காதல் ஜோடியான விக்னேஷ் சிவன், நயன்தாரா ஜூன் 9 ஆம் தேதி பெற்றோர்கள் முன்னிலையில் திருமணம் செய்துக்கொள்ள உள்ளனர். இவர்களின் திருமணம் மகாபலிபுரத்தில் நடைப்பெற உள்ளது. திருமணத்தில் ரஜினிகாந்த், விஜய், உள்ளிட்டோர் கலந்துக்கொள்ள உள்ளனர்.

நயன்தாரா எந்த ஒரு சமூக வலைதள கணக்குகளையும் பயன்படுத்தவில்லை என்றாலும் விக்னேஷ் சிவன் நயன்தாராவுடன் இருக்கும் பல புகைப்படங்களை ஷேர் செய்துள்ளார்.

இந்த ஜோடியின் திருமண புகைப்படங்களையும் காண ரசிகர்கள் ஆவலாக காத்திருக்கின்றனர்.

திருமணம் குறித்து விக்னேஷ் சிவன் அளித்த பேட்டியில் , திருப்பதியில் தான் திருமணத்தை நடத்த விரும்பினோம். ஆனால் சில காரணங்களால் நடத்தமுடியவில்லை என்று கூறியிருந்தார்.

நயன்தாரா, விக்னேஷ் சிவன் திருமணத்தை முன்னிட்டு #nayantharawedding என்ற ஹேஷ்டேக் ட்விட்டரில் ட்ரெண்டாகி வருகிறது. இந்நிலையில் நயன், விக்கி குறித்த பழைய நினைவுகளை ரசிகர்கள் பகிர்ந்து வருகின்றனர். அந்த வகையில் விக்கி இன்ஸ்டாகிராமில் நயன்தாராவுடன் பதிவிட்ட முதல் புகைப்படம் இது தான். இந்த புகைப்படம் பகிர்ந்தபோது மிகவும் வைரலான புகைப்படமாகும்.