’வாழ்க்கையில் எனது மிகப்பெரிய வருத்தம்’ - ஓபனாக பேசிய நாக சைதன்யா

நாக சைதன்யா தற்போது வெங்கட் பிரபு இயக்கத்தில் கஸ்டடி படத்தில் நடித்துவருகிறார். இந்தப் படம் மே 12 ஆம் தேதி வெளியாகவிருக்கிறது.

சமந்தாவுடனான விவாகரத்துக்கு பிறகு பொன்னியின் செல்வன் நடிகை சோபிதாவுடன் ரிலேசன்ஷிப்பில் இருந்துவருவதாக கூறப்படுகிறது.

அதற்கேற்ப லண்டன் ரெஸ்டாரண்ட் ஒன்றில் செஃப்புடன் நாக சைதன்யா போஸ் கொடுக்க, பின்னணியில் சோபிதா இருக்கும் போட்டோ வெளியாகி பரபரப்பாக பேசப்பட்டது.

இந்த நிலையில் இர்ஃபானின் யூடியூப் சேனலுக்கு நாக சைதன்யா பேட்டியளித்தார்.

அவரது பேட்டியில், வாழ்க்கையில் எதற்காவது  மிகப்பெரிய அளவில் வருத்தம் அடைந்திருக்கிறீர்களா என தொகுப்பாளர் இர்ஃபான் கேட்டார். அவர் சமந்தாவுடனான விவாகரத்தை மனதில் வைத்து கேட்டிருந்தார். அதற்கு  பதிலளித்த நாக சைதன்யா, என் வாழ்க்கையில் எதற்கு வருத்தப்பட்டது கிடையாது பிரதர். எல்லாமே கற்றுக்கொள்ள வேண்டிய பாடம் தான்.

ஆனாலும் சில நீங்கள் கேட்பதற்காக, காலையில் லேட்டாக எழுந்திருப்பது, படத்தில் நடித்த பிறகு, ஐயோ இந்தப் படத்தில் நடித்திருக்க கூடாது என யோசிப்பது இப்படி சில இருந்திருக்கிறது. அப்படி 2-3 படங்கள் இருக்கிறது.