''20 வருஷத்துல விஜய் மாறவே இல்ல, லியோ மிகப்பெரிய ஆக்ஷன் படம்'' - மிஷ்கின் சொன்ன அப்டேட்

நடிகர் விஜய் தற்போது லோகேஷ் கனகராஜ் இயக்கத்தில் லியோ படத்தில் நடித்து வருகிறார்.

காஷ்மீரைத் தொடர்ந்து சென்னையில் இந்தப் படத்தின் படப்பிடிப்பு விறுவிறுப்பாக நடைபெற்றுவருகிறது.

கிட்டத்தட்ட 14 வருடங்களுக்கு பிறகு விஜய்யும் திரிஷாவும் இந்தப் படத்தில் ஜோடி சேர்ந்துள்ளனர்.

மேலும் பாலிவுட் நடிகர் சஞ்சய் தத், அர்ஜுன், மிஷ்கின், கௌதம் வாசு தேவ் மேனன், பிரியா ஆனந்த் உள்ளிட்டோரும் இந்தப் படத்தில் முக்கிய வேடத்தில் நடித்துவருகின்றனர்.

இந்த நிலையில் தயாரிப்பாளர் சங்க தேர்தலில் வாக்களித்த பின்னர் பத்திரிகையாளர்களின் கேள்விகளுக்கு மிஷ்கின் பதிலளித்தார். அப்போது லியோ படம் குறித்து பேசினார்.

அவர் பேசியதாவது, லியோ படத்துல சின்ன கேரக்டர் தான் நடிச்சிருக்கேன். ஆனா இன்ட்ரஸ்டிங்கான கேரக்டர். ரொம்ப வருஷம் கழிச்சு விஜய்யோட வொர்க் பண்றேன். 20 வருஷத்துல மாறவே இல்ல. விஜய் ரொம்ப நல்லா பார்த்துக்கிட்டாரு.

லோகேஷ் கனகராஜ் ஸ்வீட்டான பையன். மிகப்பெரிய ஆக்ஷன் படமா இருக்கும். அடுத்தப் படம் தாணுவுக்கு பண்றேன் என்றார்.