மூவி டைம் : திக் திக் நிமிடங்கள்... தரமான பேய் படம் ‘The Night House'!

‘The Night House'திரைப்படம் 2021 ஆம் ஆண்டு வெளியான ஒரு ஹாரர் த்ரில்லர் திரைப்படமாகும்

படத்தின் டைட்டிலை போலவே படத்தில் பெரும்பாலான காட்சிகள் இரவிலேயே படமாக்கப்பட்டிருக்கும்.

படத்தின் கதாநாயகியாக ரெபெக்கா ஹால் நடித்திருப்பார். பொதுவாக ஹாரர் படங்களில் நடிகர், நடிகைகளின் பங்கு அதிகமாக இருக்கும். அவர்களின் நடிப்பை பொருத்தே பார்வையாளரான நமக்கு படத்தின் மீதான சுவாரஸ்யம் அதிகரிக்கும்.

அந்த வகையில் படத்தின் கதாநாயகி மொத்த கதையையும் தனது தோளில் சுமந்து அற்புதமான நடிப்பை வெளிப்படுத்தியிருப்பார்.

படத்தின் கதை என்ன ? கணவன், மனைவி இருவரும் புதிதாக ஏரி ஓரத்தில் வீடு கட்டி குடியேறுகின்றனர். புது வீட்டுக்கு சென்ற கொஞ்ச நாளிலேயே கணவன் துப்பாக்கியால் தலையில் சுட்டுக்கொண்டு இறந்துவிடுகிறான். ஏன் தன்னை தானே கணவர் சுட்டு கொலை செய்துக்கொண்டார்? இதற்கான பின்னணி என்ன ? என்பதை மனைவி கண்டுப்பிடிப்பதே படத்தின் கதை..

ஹாரர் படத்தில் பார்வையாளர்கள் எதிர்பார்க்கும் ஜம்ஸ் ஸ்கேர் காட்சிகள் இந்த படத்தில் இருக்கிறது.

படம் கிளைமேக்ஸை எட்டும்போது கண்டிப்பாக திக் திக் நிமிடங்களை உணர்வீர்கள்..

படத்தில் நீங்கள் எதிர்பார்க்காத பல ட்விஸ்ட்கள் இருக்கிறது.

’The Night House' திரைப்படம் டிஸ்னி + ஹாட் ஸ்டாரில் சப்ஸ்கிரிப்ஷனில் இருக்கிறது. ஆப்பிள் டிவியிலும் சப்ஸ்கிரிப்ஷனில் இருக்கிறது.