''ரத்னகுமார் நீ ஊருக்கு கிளம்பு....'' லோகேஷ் இப்படி சொல்வாரா? - லியோ குறித்து வைரலாகும் மீம்ஸ்

மிகப்பெரிய எதிர்பார்ப்புகளுடன் தயாராகிக் கொண்டிருக்கிறது நடிகர் விஜய்யின் லியோ. இந்தப் படம் லோகேஷின் எல்சியூவில் வருகிறதா? இல்லையா? என ரசிகர்ளின் கேள்விக்கு விடை கிடைத்தபாடில்லை.

சமீபத்தில் வெளியான தளபதி 67 பட பூஜை வீடியோவில் நடிகர் மரியம் ஜார்ஜ் இடம்பெற்றிருந்தார். இவர் கைதி படத்தில் நெப்போலியன் என்ற போலீஸ் கான்ஸ்டபிளாக கலக்கியிருப்பார். அதே போல விக்ரம் படத்தல் ஏஜென்ட் டீனாவாக கலக்கிய வசந்தி சமீபத்தில் காஷ்மீர் சென்றுள்ள படக்குழுவில் இடம்பிடித்திருந்தார். தளபதி 67ல் 'கைதி' நெப்போலியனும் 'விக்ரம்' ஏஜென்ட் டீனாவும் இடம்பிடித்துள்ளதாக ரசிகர்கள் உற்சாகத்தில் இருக்கிறார்கள்.

அந்த வகையில் பிரபல இயக்குநரும் லியோ படத்தின் வசனகர்த்தாவுமாகிய ரத்னகுமார் சில நாட்களுக்கு முன் ட்விட்டரில் கழுகு குறியீடுக்கு முன் அமர்ந்திருக்கும் படத்தை பகிர்ந்திருக்கிறார். இதனையடுத்து ஈகிள் விக்ரம் பட கமல்ஹாசனை குறிக்கும் என்பதால் அவர் இந்தப் படத்தில் இருப்பதாக ரசிகர்கள் நம்பத் தொடங்கினர்.

இதன் ஒரு பகுதியாக சன் கிளாஸின் ஒரு பகுதியை தனது கையில் வைத்திருக்கும் மற்றொரு படத்தை ரத்னகுமார் பகிர்ந்தார். அது விக்ரம் படத்தில் நடிகர் விஜய் சேதுபதி அணிந்திருப்பது போன்று உள்ளதாகவும் எனவே விக்ரம் பட சந்தானம் லியோவில் இருப்பதாவும் கமெண்ட் செய்துவருகிறார்கள்.

இந்த நிலையில் லியோ பட தகவல்களை ஒவ்வொன்றாக ரத்னகுமார் வெளியிட்டுவருவதாகவும் அதனால் லோகேஷ் அவர் மீது கோபத்தில் இருப்பதாகவும் ரசிகர் ஒருவர் கற்பனையாக சித்தரித்து மீம் ஒன்றை பகிர்ந்துள்ளார்.

அதில் சில்லுனு ஒரு காதல் படத்தில் வீட்டில் வசதி இல்லை என வடிவேலு குறைபட்டுக்கொள்ள அதற்கு நீ ஊருக்கு கிளம்பு என சூர்யா சொல்லும் காட்சியை அடிப்படையாகக் கொண்டு ரத்னகுமாரை பார்த்து லோகேஷ் சொல்வது போல சித்தரித்துள்ளனர்.