புது புரளியாவுல இருக்கு! கல்யாணம் ஆகணும்னா ராம் சரண் படத்துல நடிக்கணுமா? சுவாரசியத் தகவல்

நயன்தாரா, கேத்ரீனா கைஃப், ஹன்சிகா என நடிகைகளின் திருமண செய்திகள் சமூக வலைதளங்களில் அடிக்கடி வைரலாகிவருகின்றன.

அந்த வகையில் சமீபத்தில் பாலிவுட் நடிகர் சித்தார்த் மல்ஹோத்ராவுக்கும் கியாரா அத்வானிக்கும் சமீபத்தில் கோலாகலமாக திருமணம் நடைபெற்றது.

இருவரது திருமண புகைப்படங்களும் சமூக வலைதளங்களில் வைரலாகின.

கியாரா அத்வானி தற்போது ஷங்கர் இயக்கத்தில் ராம் சரணுக்கு ஜோடியாக ஆர்சி 15 என தற்காலிகமாக பெயரிடப்பட்டுள்ள படத்தில் நடித்துவருகிறார்.

இந்த நிலையில் ராம் சரண் குறித்த மீம் ஒன்று சமூக வலைதளங்களில் வரைலாகி வருகிறது.

அதில் ராம் சரண் படத்தில் நடிக்கும் நடிகைகளுக்கு உடனடியாக திருமணமாவதாகவும் திருமணமாக வேண்டுமென்றால் ராம் சரண் படத்தில் நடிக்க வேண்டும் எனவும் அந்த மீமில் குறிப்பிடப்பட்டுள்ளது.

அதாவது, ராம் சரணுடன் ரங்கஸ்தலம் படத்தில் நடித்துக்கொண்டிருந்த சமந்தாவுக்கு நாக சைதன்யாவுடன் திருமணம் நடைபெற்றதாகவும், ஆர்ஆர்ஆர் படத்தில் நடித்துக்கொண்டிருந்தபோது ஆலியா பட்டுக்கு ரன்பீர் கபூருடன் திருமணம் நடைபெற்றதாகவும், தற்போது ஆர்சி 15 படத்தில் நடித்துக்கொண்டிருந்தபோது கியாரா அத்வானிக்கும்  சித்தார்த் மல்ஹோத்ராவுடன் திருமணம் நடைபெற்றதாகவும் குறிப்பிடப்பட்டுள்ளது.