'துணிவு' பட போட் காட்சியில் அஜித்துக்கு பதிலாக டூப்பா? உண்மையை உடைத்த மஞ்சு வாரியர்!

விஜய்யின் வாரிசும் அஜித்தின் துணிவும் வருகிற 11 ஆம் தேதி வெளியாகவுள்ள அறிவிக்கப்பட்டதிலிருந்து தமிழ்நாடே பரபரப்பாகியிருக்கிறது. காரணம் இரண்டுக்கும் மேற்பட்ட ஸ்கிரீன்கள் கொண்ட திரையரங்குகளில் வாரிசும் துணிவும் வெளியாகும் என்பதால் முதல் நாள் இரு தரப்பு ரசிகர்களிடையே மோதல் ஏற்பட வாய்ப்பிருக்கிறது.

இதற்கு முன் இரண்டு நடிகர்களின் படங்கள் ஒரே நாளில் வெளியாகும்போது ரசிகர்கள் மோதிக்கொண்டதை நாம் கேள்விபட்டிருப்போம். அந்த வகையில் தற்போதே வாரிசா? துணிவா? சமூக வலைதளங்களே அனல் பறந்துகொண்டிருக்கிறது .

இந்த நிலையில் துணிவு பட  சண்டைக் காட்சிகளில் நடிகர் அஜித்துக்கு பதிலாக அவரைப் போன்ற டூப் பயன்படுத்தப்பட்டதாக தகவல் பரவியது.

இதற்கு படக்குழு, சண்டைக் காட்சிகளில் முழுக்க முழுக்க நடிகர் அஜித்தே பங்கேற்றார். அவருக்கு பதிலாக டூப் பயன்படுத்தப்படவில்லை என்று விளக்கமளித்திருந்தது.

இந்த நிலையில் நடிகை மஞ்சு வாரியர் துணிவு குறித்து யூடியூப் சேனல் ஒன்றுக்கு பேட்டியளித்திருந்தார். அதில் மஞ்சு வாரியரிடம் துணிவு படத்தின் போட் ஓட்டும் காட்சியில் அஜித்துக்கு பதிலாக டூப் பயன்படுத்தப்பட்டிருப்பதாக வெளியான தகவல் குறித்து கேள்வி எழுப்பப்பட்டது.

அதற்கு பதிலளித்த மஞ்சு வாரியர், ''துணிவு படத்தில் 100 சதவிகிதம் அஜித் தான் நடித்தார். அவருக்கு டிரைவ் செய்ய தெரியாதது என்று எதுவுமே இல்லை. எனக்கு அது தான் முதல் தடவை என்பதால், அவர் தான் எனக்கு சொல்லிக்கொடுத்தார். அந்த சீன் பாங்காக்கில் படமக்கினோம்'' என்றார்.

''குறிப்பிட்ட நேரத்துக்குள் அந்த சீனை படமாக்க வேண்டும். அப்போது அஜித்தும் எங்களுக்கு சொல்லிக் கொடுத்தார். ரொம்ப திரில்லிங்காக இருந்தது. அப்போது எடுக்கப்பட்ட வீடியோ என் போனிலேயே இருக்கிறது'' என்று பேசினார். இந்த வீடியோவை அஜித் ரசிகர்கள் பகிர்ந்து கொண்டாடி வருகிறார்கள்.